Jeńis Qasymbek shahtada jaraqat alǵan 4 kenshiniń jaǵdaıyn aıtyp berdi

QARAǴANDY. QazAqparat – Qaraǵandy oblysynyń ákimi Jeńis Qasymbek Shahtınskidegi apattan jaraqat alǵan 4 kenshiniń jaǵdaıy týraly málimet berdi, dep habarlaıdy QazAqparat tilshisi.

«Aýrýhanada jatqan tórt kenshi týraly mynany aıta alam. Qazir olardyń bári Maqajanov atyndaǵy oblystyq klınıkalyq aýrýhanada jatyr. Qajetti medıtsınalyq kómektiń bári kórsetilýde. Onyń ekeýiniń jaǵdaıy qazir ortasha aýyr. Metan gazynan ýlanýdan bólek bas súıegi men mı jaraqaty bar», - dedi Jeńis Qasymbek óńirlik kommýnııkatsııalar qyzmetinde ótken brıfıngide.

Esterińizge sala keteıik, búgin túnde «ArselorMıttal Temirtaý» AQ kómir departamentiniń Lenın atyndaǵy shahtasynda apat bolyp, saldarynan 5 kenshi qaza tapty.

TJ faktisi boıynsha QR QK 277-babynyń 3-bóligi boıynsha qylmystyq is qozǵaldy.

Qaraǵandy oblysynyń ákimdigi Lenın atyndaǵy shahtada qaza bolǵandardyń tizimin jarııalady.