Jeńis Qasymbek QR ІІM-niń Qaraǵandy akademııasyna bardy

QARAǴANDY. QazAqparat – Qaraǵandydaǵy Bárimbek Beısenov atyndaǵy Іshki ister mınıstrligi akademııasynyń 50 jyldyq mereıtoıyna JOO-nyń birneshe jylǵy túlekteri jáne qurmetti qonaqtar jınaldy, dep habarlaıdy QazAqaparat tilshisi.

Oqý ordasyna 50-den astam general keldi.

«Akademııaǵa 50 jyl tolyp otyr. Bul, Qazaqstan ІІM júıesiniń alǵashqy

mamandandyrylǵan joǵary oqý ornynyń jylnamasy ǵana emes, sonymen

qatar bizdiń qalamyzdyń tarıhy. Qaraǵandylyqtarǵa aty ańyzǵa

aınalǵan joǵary oqý ornynyń dál osy jerde ornalasqanyn túsiný óte mańyzdy. Sizderdiń barlyq túlekterińiz qazir qaıda qyzmet etip, qaıda

turatynyna qaramastan, ózderin qaraǵandylyqtar dep sanaıtynyn bilemin.

Akademııanyń qabyrǵasynan 20 myńnan astam ofıtser shyqty», - dep quttyqtady mereıtoı ıelerin Qaraǵandy oblysynyń ákimi Jeńis Qasymbek.

QR Іshki ister mınıstriniń birinshi orynbasary Marat Qojaev Qaraǵandy

akademııasy elıtalyq kadrlardyń ustahanasy bolyp tabylatynyn atap ótti.

«Búginde bul bakalavrıat bazasynda quqyqqorǵaý qyzmeti úshin mamandar

daıyndaıtyn jalǵyz joǵary oqý orny», - dedi ol.

Budan bólek, jınalǵandardyń aldynda 213 jas kýrsant Otanǵa adal bolýǵa

ant berdi.

Oblys ákimi birinshi kýrs stýdentterin quttyqtap, búgingi kúni polıtsııa

jumysy búkil qoǵamnyń jiti nazarynda ekenin atap ótti.

«Memleket basshysy polıtsııany odan ári ashyq bolýǵa jáne halyq arasynda

senim men bedeldi arttyrý úshin jumys isteýge shaqyrdy. Al biz bıliktiń

atqarýshy organdary retinde sizderden, polıtseılerden azamattardyń

tynysh jáne qaýipsiz ómirin qamtamasyz etýlerińizdi kútemiz», - dedi Jeńis

Qasymbek.

Akademııada QR Ulttyq mýzeıiniń qoldaýymen «Rýhanı jańǵyrý»

baǵdarlamasy aıasynda «Uly dala: saqta - urpaqtan urpaqqa» atty kórme

ashyldy. Elordadan Qaraǵandyǵa murajaıdyń eń qundy eksponattarynyń

biri – «Altyn adam» jetkizildi. Ony brondalǵan mashınamen, kúzetpen alyp

kelgen.

Sonymen qatar akademııa aýmaǵynda generaldar alleıasy ashyldy. Munda QR

ІІM 65 generalynyń qysqasha ómirbaıandary bar portretter ornatyldy.

Olardyń barlyǵy osy JOO túlekteri.

Mereıtoı eki kún toılanady. Jaqynda Halyqaralyq ǵylymı-tájirıbelik

konferentsııa jáne túlekter forýmy ótti. Qonaqtar Dolınka kentindegi oqý-

dala lagerine, saıası qýǵyn-súrgin qurbandaryn eske alý

murajaıyna jáne QR Tuńǵysh Prezıdentiniń tarıhı-mádenı ortalyǵyna

barady dep kútiledi.