Jeńis estafetasy Qazaqstannyń birqatar qalalaryn aralady
Atap aıtqanda, Reseı Federatsııasynyń áskerı qyzmetshilerinen qabyldanǵan Jeńis estafetasy elimizdiń shyǵys óńiri arqyly Qazaqstannyń túrli qalalarynda áskerı qyzmetshilerge saltanatty túrde berilip otyrdy. Osy oraıda estafeta on eki kún ishinde Óskemen, Astana, Almaty jáne Taraz qalalarynda boldy. Іs-sharanyń sońy «Qordaı» ótkizý pýnktinde (Jambyl oblysy) estafetany Qyrǵyzstannyń áskerı qyzmetshilerine tabys etýmen aıaqtaldy. Jeńis estafetasy júrip ótken jolda ornalasqan eldi mekenderdiń turǵyndary qatysýshylardy qýana qarsy alyp jatty. Estafeta júrip ótken jerlerde merekelik is-sharalar, kontsertter uıymdastyryldy.
«Jeńis estafetasy - óskeleń urpaqqa Uly Otan soǵysyndaǵy batyr babalarymyz jasaǵan erlikti dáripteý, sondaı-aq bizdiń beıbit bolashaǵymyz úshin surapyl soǵysty bastan keshken UOS ardagerlerine taǵzym etý bolyp tabylady», - delingen QR Qorǵanys mınıstrliginiń málimetinde.