Jeńilip kórmegen sýper aýyr salmaqtaǵy qazaqstandyq boksshy AQSh-ta aıqasady

NUR-SULTAN. QazAqparat – Eshkimnen jeńilip kórmegen qazaqstandyq sýper aýyr salmaqtaǵy boksshy Izım Izbakıdiń (3-0, 2 KO) kelesi jekpe-jegi qashan ótetini belgili boldy, dep habarlaıdy QazAqparat Sports.kz saıtyna silteme jasap.

BoxRec.com málimetinshe, Izımniń rıngke oralýy 10 aqpanǵa, AQSh-tyń Konnektıkýt shtatynda josparlanǵan. Al jekpe-jegi ótetin orny men qarsylasy kim bolatyny ázirge aıtylmaıdy.

Qazaqstandyq boksshy sońǵy jekpe-jegin 2019 jyldyń qazan aıynda, Amerıkanyń Mıchıgan shtatynyń Flınt qalasynda ótkizgen edi. Onda ol birinshi raýndta jergilikti boksshy Troı Olbrıngti (0-3) nokaýtqa túsirdi.

26 jastaǵy Izbakı kásipqoı boks alańyna alǵash ret 2018 jyly Estonııanyń Tallın qalasynda shyqty. Onda Izım Benlarýs boksshysy Oleg Zablotskııdi (0-9) ekinshi raýndta tehnıkalyq nokaýtpen jeńdi.