Jeńilip kórmegen qazaqstandyq boksshy WBO tıtýly úshin talasady

NUR-SULTAN. QazAqparat – Kásipqoı boksta jeńilip kórmegen qazaqstandyq Meıirim Nursultanovtyń (15-0, 8 KO) kelesi jekpe-jegi qashan ótetini belgili boldy. Bul týraly QazAqparat Sports.kz-ke silteme jasap habarlaıdy.

BoxRec.com málimetinshe, Nursultanov rıngke 2022 jyldyń 15 qańtarynda Aqtaýda reseılik Andreı Sırotkınmen (19-1-1, 7 KO) shyǵady. Olar orta salmaqtaǵy WBO International tıtýly úshin judyryqtasady.

Meıirim buǵan deıingi aıqasyn da Aqtaýda 6 qarashada ótkizgen edi, ol tóreshilerdiń biraýyzdy sheshimimen belarýs Dmıtrıı Atrohovty (16-12, 7 KO) jeńgen bolatyn. Al Sırotkın Boltonda (Anglııa) 17 sáýir kúni jekpe-jek ótkizip, WBO European tıtýly úshin aıqasta jergilikti boksshy Dennı Dıgnemmen (13-0-1, 7 KO) teń tústi.

Sýret:instagram.com/meiirim.nursultanov