Jeńildikti lızıng boıynsha kompanııalardyń tizimin keńeıtý arqyly aýyl sharýashylyǵy tehnıkasyna qoljetimdilik artady - QR AShM
«Búginde 87 paıyzǵa jýyq aýyl sharýashylyǵy tehnıkasy parkiniń tozyǵy jetip otyr. Bizdiń agrarlyq óndiriste tehnıkalyq qaıta jaraqtaný qarqyny men óndiristi damytý qarqyny arasynda teńgerimsizdik baıqalýda. Sońǵy 7-8 jyldaǵy statıstıkany qaraıtyn bolsaq, traktor parkin jańartýdyń ortasha jyldyq qarqyny 1,5 paıyzdy quraıdy. ıAǵnı, osyny esepteı kele, qansha jylda mashına-traktor parkin jańartýǵa bolatynyn anyqtaı alamyz. Atap aıtqanda, bul óz kezeginde aýyl sharýashylyǵyn damytý turǵysynda keri áser etedi»-dedi QR Aýyl sharýashylyǵy vıtse-mınıstri Múslim Ómirııaev Astanada «AgriTekAstana-2013» kórmesi aıasynda ótken konferentsııada.
Onyń aıtýynsha, bul baǵytta atalǵan ahýaldy túbegeıli jaqsartý úshin «QazAgroQarjy» kompanııasynyń jeńildikti lızıngi baǵdarlamasynan bólek, 2013 jyldan bastap jeńildikti lızıng boıynsha qyzmet kórsete alatyn kompanııalardyń tizimin keńeıtý sheshimi jasaldy. Osylaısha, memleket aýyl sharýashylyǵy tehnıkasyna degen qoljetimdilikti aıtarlyqtaı arttyrmaq.
«QazAgro» holdınginiń málimetinshe, Agrokeshendi damytýdyń 2013-2020 jyldarǵa arnalǵan baǵdarlamasy aıasynda memleket jalpy qarjylandyrý mólsherlemesiniń 7 paıyzyn aýyl sharýashylyǵy taýaryn óndirýshige ótep berýdi óz moınyna alyp otyr. Sóıtip, sýbsıdııalaýdy eskergende lızıngke alynǵan aýyl sharýashylyǵy tehnıkasy men arnaıy tehnıkanyń mólsherlemesi jyldyq 12,8 paıyzdyń ornyna 5,8 paıyzdy qurap otyr. Atalǵan sýbsıdııalaýdyń merzimi 3 jyldy quraıdy, sondaı-aq ony 7 jylǵa deıin uzartýǵa múmkindik beriledi.
Belgili bolǵandaı, búginde otandyq aýyl sharýashylyǵy qurylymdarynan «QazAgro» holdıngi quramyndaǵy iri lızıngtik «QazAgroQarjy» kompanııasyna kóktemgi egis jumystaryn júrgizýge qajetti tehnıkany satyp alý jóninde 9,5 mlrd. teńgeni quraıtyn 1 myń ótinim kelip tústi.