Jeńildetilgen avtonesıe somasyn ulǵaıtý múmkindigin izdeımiz – Roman Sklıar

NUR-SULTAN. QazAqparat – QR Premer-Mınıstriniń birinshi orynbasary Roman Sklıar jeńildetilgen avtonesıe somasyn ulǵaıtý jóninde pikir bildirdi, dep habarlaıdy QazAqparat tilshisi.

«Avtonesıeleý boıynsha ótinishter kóptep túsýde, biz bul somany ulǵaıtý múmkindigin tabýǵa tyrysamyz», - dedi Roman Sklıar Úkimet kýlýarynda tilshilerge bergen suhbatynda.

Onyń aıtýynsha, «ÓKM Operatory» JShS buǵattalǵan 220 mlrd teńgeniń 100 mlrd teńgesi jeńildetilgen avtonesıeleýge bólingen.

«30 mlrd teńge – aýyl sharýashylyǵy óndirýshilerin jeńildikpen nesıeleýge baǵyttalǵan. Olar kombaındardy, traktorlardy jyldyq 6%-ben bastapqy jarnasyz satyp ala alady. Bul tájirıbeni jalǵastyrý qajet dep esepteımin», - dep atap ótti Premer-Mınıstrdiń orynbasary.

Aıta keteıik, búginge deıin 12 myńnan astam qazaqstandyq jeńildetilgen nesıemen kólik alǵan.

Sonymen birge, avtokólikterdi jeńildetilgen nesıemen berý baǵdarlamasyna taǵy 10 mlrd teńge bólindi. Indýstrııa jáne ınfraqurylymdyq damý mınıstrligine qarasty Ónerkásipti damytý qorynyń dereginshe, 4 paıyzben beriletin avtonesıe baǵdarlamasyna qatysýshy «Eýrazııalyq bankke» - 35 mlrd, «Bank Tsentr Kredıtke» - 27,5 mlrd, «Halyq bankke» - 22,5 mlrd jáne «Forte Bank»-ke 15 mlrd teńge bólingen.