Jeńildetilgen avtonesıe: Bıyl qansha qazaqstandyq kólik satyp ala alady

ALMATY. QazAqparat - «Astana Motors» kompanııasynyń bas dırektory Beknur Nesipbaev bıyl shamamen 15-17 myń qazaqstandyq jeńildetilgen avtonesıe boıynsha kólik satyp ala alatynyn aıtty, dep habarlaıdy QazAqparat tilshisi.

«Aldyn ala boljam boıynsha, bıyl jeńildetilgen avtonesıemen 15-17 myń adam kólik satyp alady», - dep jaýap berdi Beknur Nesipbaev baspasóz máslıhatynda.

Qazaqstan avtomobıl bıznesi qaýymdastyǵynyń strategııalyq damý jónindegi dırektory Qaırat Elamanov jeńildetilgen avtokólik nesıelerine qarajy qalaı bólinetinine de baılanysty ekenin aıtty.

«Munda eki múmkindik bar. Birinshisi qazir júzege asyrylyp jatqan baǵdarlamaǵa uqsas. ıAǵnı, búkil nesıeni qarjylandyrý nemese ekinshi nusqa – paıyzdyq mólsherlemeni sýbsıdııalaý. Sýbsıdııalanǵan paıyzdyq mólsherleme tómen bolsa, kólikter sany da kóp bolýy múmkin», - dedi ol.

Qazaqstan avtobıznes qaýymdastyǵynyń vıtse-prezıdenti Anar Maqasheva jeńildetilgen nesıe berý baǵdarlamasynyń tetigin túsindirdi.

«Jeńildetilgen baǵdarlama boıynsha qarajat alýdyń eki nusqasy usynylady. Birinshi nusqany Úkimet jarııalady – «ROP Operator» aqshasy osy baǵdarlamaǵa 100 mlrd teńge kóleminde baǵyttalady, ekinshisi – ekinshi deńgeıli bankter men QR Damý banki arqyly dástúrli bıýdjettik qarajat bólý. Bul bıýdjettik nesıeleý baǵdarlamasy 2016 jyldan beri jumys istep keledi. Jalpy, Qazaqstan azamattary úshin bazalyq parametrler birdeı bolady. Syıaqy mólsherlemesi - jylyna 4%, 5 jylǵa deıin bastapqy jarnasyz, baǵdarlamaǵa Qazaqstanda shyǵarylǵan barlyq kólik qatysady. Avtokóliktiń qunyna emes, nesıe somasyna shekteýler bar. Árbir tutynýshynyń ózindik parametrleri bar. Ol kólikti tańdaǵan kezde bank onyń múmkindikterine tıisti esep-qısap jasaıdy», - dedi Anar Maqasheva.

Buǵan deıin Anar Maqasheva ýtılalym mólsherlemesiniń tómendeıtindigine oraı pikir bildirgen bolatyn.