Jeńildetilgen avtonesıe baǵdarlamasyna qosymsha qarjy bólinbeıdi - Erulan Jamaýbaev

ASTANA. QazAqparat – Keshe bastalǵan jeńildetilgen paıyzben avtonesıe boıynsha memleketten qosymsha qarjy bóliný múmkindigine qatysty túsinik berildi, dep habarlaıdy QazAqparat tilshisi.

«Ázirge qosymsha ótinim túsken joq. Bizde avtonesıeden basqa da áleýmettik mańyzdy baǵdarlamalar bar», - dep qysqa qaıyrdy Qarjy mınıstri Erulan Jamaýbaev Úkimet úıinde tilshilerdiń saýalyna jaýap bere otyryp.

Buǵan deıin «Ónerkásipti damytý qory» AQ basqarma tóraǵasynyń orynbasary Rınat Gapparov Úkimetke jeńildetilgen avtonesıe jobasynyń somasyn ulǵaıtý týraly usynys joldaýlary múmkin ekenin aıtqan edi.

«Biz Úkimetke mynany usynamyz. jeńildetilgen avtonesıege degen el ishindegi suranys qazir bólinip otyrǵan somadan joǵary ekenin jetkizemiz. Esińizde bolsa, byltyr 100 mlrd teńge bólingen bolatyn. Qazir sol aqsha revolerlik júıe boıynsha ıgerilip jatyr», - dedi ol.

Sondaı-aq ótinimderdi qabyldaý sharasynyń qorytyndysy boıynsha Úkimetke esep beretinderin atap ótti.

Avtokredıt saıtyna bir mınýtta 125 myń adam kirgen. Keshe «Ónerkásipti damytý qory» AQ basqarma tóraǵasynyń orynbasary Rınat Gapparov Úkimetke jeńildetilgen avtonesıe jobasynyń somasyn ulǵaıtý týraly usynys joldaýlary múmkin ekenin aıtty.