Jeńildetilgen avtonesıe baǵdarlamasy arqyly qansha qazaqstandyq kólik satyp aldy

ASTANA. QazAqparat – Indýstrııa jáne ınfraqurylymdyq damý mınıstrligi jeńildetilgen avtonesıe baǵdarlamasyn júzege asyrýǵa qatysty statıstıkalyq derekterdi jarııa etti, dep habarlaıdy QazAqparat tilshisi.

«Jeńildetilgen avtonesıe baǵdarlamasy 2022 jyldyń basynda jınaqtalǵan ýtılalym qarajatyn utymdy ári tıimdi paıdalaný ádisine qatysty Prezıdent bergen tapsyrma aıasynda iske qosylǵan bolatyn. Jınaqtalǵan qarajat esebinen revolverlik-qaıtarym negizinde jeńildetilgen avtonesıe baǵdarlamasy iske qosyldy. Bul maqsatqa bólingen 100 mlrd teńge halyqtyń 12 650 avtomobıl satyp alýyn qamtamasyz etý», - dep habarlady vedomstvodan agenttiktiń resmı saýalyna oraı.

Sonymen qatar qaıtarylǵan revolverlk qarajat esebinen 640 avtomobıl satyp alyndy. Baǵdarlama boıynsha jalpy 13 342 adam kólikke ıe boldy.

«Degenmen, qolda bara qarajat esebinen halyqtyń basym bóliginiń qajettiligin tıimdi qamtamasyz etý jáne qanaǵattandyrý mindeti tur jáne de jeńildetilgen avtonesıe baǵdarlamasyn avtobýstardy jeńildikpen nesıeleý baǵdarlamasyna qaıta baǵdarlaý júktelgen mindetke saı keledi. Qazirgi ýaqytta qalalyq avtobýs parkterinde 10 525 jolaýshylar kóligi bar. Olardyń 46 paıyzy tozǵan. Bul kórsetkish keıbir qalalarda 90 paıyzǵa deıin jetedi. Sol arqyly qyzmet sapasy men tasymaldaý qaýipsizdigin qamtamasyz ete almaıdy», - delingen jaýapta.

Munan bólek, mınıstrlik el turǵyndarynyń ekonomıkalyq belsendi tobynyń basym bóligi kúndelikti qalalyq qoǵamdyq kólikpen júredi. Olar kúnine 9,3 mln ret avtobýspen qatynaıdy.

«Jeńildetilgen avtonesıe baǵdarlamasyn avtobýstardy jeńildikpen nesıeleý baǵdarlamasyna qaıta baǵdarlaý sanaýly adamnyń avtomobıl satyp alý qajettiligin qanaǵattandyrǵannan góri halyqtyń kúndelikti jaıly áli sapaly qatynaý máelesin barynsha belsendi sheshýge múmkindik beredi. Osyǵan oraı jeńildetilgen avtonesıe baǵdarlamasy óz mindetin júzege asyrdy jáne de ol basqa baǵytta júzege asyrylýyn jalǵastyrýda», - dedi mınıstrlikten.