Jeńildetilgen avtonesıe alǵysy keletinder elektrondy kezekke turady

NUR-SULTAN. QazAqparat – Jeńildetilgen avtonesıe alýǵa elektrondy kezek iske qosylady. Bul týraly QR Indýstrııa jáne ınfraqurylymdyq damý mınıstrligi Indýstrıaldyq damý komıteti tóraǵasynyń orynbasary Oljas Saparbekov málim etti, dep habarlaıdy QazAqparat tilshisi.

«Qazirdiń ózinde ekinshi deńgeıli bankterdiń basym bóliginde bul optsııa tsıfrlandyrylǵan. Olar óz baǵyttary boıynsha jumys istep jatyr. Biraq, biz munyń barlyǵyn halyqqa da, bankterge de yńǵaıly bolýy úshin yqpaldastyrý jáne biryńǵaı kezek jasaý tapsyrmasyn júktep otyrmyz», - dedi ol ortalyq kommýnıkatsııalar qyzmetindegi baspasóz máslıhatynda.

Dál osy máselege qatysty Qazaqstannyń avtobıznes qaýymdastyǵynyń vıtse-prezıdenti Anar Maqasheva da pikirin bildirdi.

«Barlyq negizgi parametrler aıaqtalyp, ekinshi deńgeıli bankterge tańdaý túskennen keıin elektrondy kezek iske qosylatyn bolady», - dedi qaýymdastyq vıtse-prezıdenti.

Buǵan deıin Oljas Saparbekov Qazaqstan Úkimetiniń jeńildetilgen avtonesıe baǵdarlamasyn bekitkenin jarııa etken edi.

«Qazirgi ýaqytta jeńildetilgen avtonesıe baǵdarlamasyn júzege asyrý úshin «Jasyl damý» AQ-dan qajetti qarajatty aýdarýǵa baılanysty protsedýralar júrgizilip jatyr», - dedi ol.