Jeńil atletıkadan ACh: Qazaqstan quramasy estafetadan chempıon atandy

ASTANA. QazAqparat – Astanada jeńil atletıkadan jabyq keshendegi Azııa chempıonatynda Qazaqstan qorjynyna taǵy bir altyn medal tústi, dep habarlaıdy QazAqparat tilshisi.

«Sportty damytý dırektsııasy» RMQK-dan málim etkenindeı, Qazaqstan erler quramasy estafetalyq jarysta úzdik shyqty. Andreı Sokolov, Elnor Mýhıtdınov, Vıacheslav Zems pen Mıhaıl Lıtvın 3:09.15 sekýnd nátıjesimen el rekordyn tirkedi.

Kúmis júlde Qatar komandasyna (3:09.26), qola Tájikstan quramasyna buıyrdy.

Qazirgi kezde ulttyq qurama qorjynynda 4 altyn, 3 kúmis pen 2 qola bar.

Eske sala keteıik, budan buryn jeńil atletıkadan Azııa chempıonatynda Qazaqstan qorjynyna taǵy úsh medal túskenin jazǵan bolatynbyz.

Foto Sportty damytý dırektsııasynyń ınstagram paraqshasynan alyndy