«Jeńgetaılardy jazalaý kúsheıedi» - respýblıkalyq basylymdarǵa sholý

ASTANA. 7 qyrkúıek . QazAqparat - Qazaq aqparat agenttigi respýblıkalyq basylymdarda 7 qyrkúıek,juma kúni shyqqan ózekti materıaldarǵa sholýdy usynady.

***

«Keshe Qazaqstan Pre­zıdenti Nursultan Nazarbaev Estonııa Premer-mı­nıs­tri Andrýs Ansıppen kez­­desti», - dep jazady «Egemen Qazaqstan» gazeti búgingi sanyndaǵy «Shaǵyn elmen úlken baılanys bar» degen taqyryptaǵy maqalasynda. Basylymnyń atap ótýinshe, N.Nazarbaev kezdesý barysynda bıyl Qazaqstan men Estonııa arasynda dıplo­ma­tııa­lyq qatynastardyń ornaǵany­nyń 20 jyldyǵy atap ótilýde ekenin, sondaı-aq eki eldiń ózara tıimdi jáne qarqyndy ynty­maqtas­tyǵyna múddelestik ba­ryn aıtty. «Biz ındýstrııalyq-ınnova­tsııa­lyq baǵdarlamany belsendi iske asy­rý­damyz, zaýyttar men fab­rıkalar salýdamyz, sondaı-aq batys elderiniń joǵary teh­nologııasyn tartýdamyz. Eko­nomıkanyń qarqyndy damýy men qolaıly ma­kro­ekono­mı­ka­lyq kórsetkishter­diń arqasynda Qazaqstan sheteldegi túrli jo­balardy qarjy­lan­dyrý úshin ınvestıtsııalaý múmkindigine ıe bolyp otyr», - dedi Elbasy.

***

«Alash aınasy» gazetiniń turaqty «Dat!» aıdarynda «Qazaqstan fermerler odaǵy» respýblıkalyq qoǵamdyq birlestiginiń prezıdenti Áýezhan Darınovpen aradaǵy suhbat «Únemdi de sharýaqor, jańǵyrtylýǵa beıim shaǵyn fermerlik sharýashylyqtardyń múddesi umyt qalmaýy tıis» degen taqyryppen berilgen. Basylym tilshisiniń barlyq saýalyna tuşymdy jaýap bergen ol: «Bıylǵy jyly Úkimet aýyl sharýashylyǵy óndirýshileriniń shyǵynyn barynsha azaıtý úshin aldyn ala sharalardy qolǵa aldy. Álbette, fermerlerge qazirden-aq járdem berýdi qolǵa alǵany kóńilge qýanysh uıalatady. Taǵy bir qýanyshty jaıt, biz barǵanda birqatar aımaqta jaýyn jaýyp ótti. Sondyqtan sharýalarǵa qol ushyn sozǵan sheneýnikterge de, jaýyn jaýdyrǵan «kóktegi keńsege» de alǵys aıtýǵa bolady», - deıdi.

***

«Aıqyn» gazetiniń jazýynsha, adam saýdasynyń qurbanyna aınalǵan qazaqstandyqtardyń 960 paıyzy quldyq pen qorlyqtyń zardabyn el ishinde tartady. Bul týraly quqyq qorǵaý organdary men úkimettik emes uıymdar arasynda ulttyq pikirtalasta aıtylǵan. Máselen, sońǵy 8 jylda elimizdiń 858 azamaty tegin jumys kúshi retinde áldekimderdiń «otymen kirip, kúlimen» shyǵýǵa májbúr bolǵan. Tabys tapqysh tajaldar kúsh kórsetý arqyly erkekterdi qara jumysqa salsa, áıelderdi jynystyq qatynasqa ıtermelegen. Kóshi-qon boıynsha halyqaralyq uıym baǵdarlamalarynyń ulttyq úılestirýshisi Álııa Alıkovanyń aıtýynsha, otandastarymyzdyń 10 paıyzy «jumaq jer» izdep júrip Reseıde, Túrkııada, Birikken Arab Ámirlikterinde, Izarılde, Taılandta, Germanııada, Qytaıda, Ázerbaıjanda, Ózbekstanda, Indonezııada, Grekııa men Lıvııada quldyqqa túsken. Qalǵandary óz elimizde ózekke tebilip, ómirlerin óksikpen ótkizedi. Maqala «Jeńgetaılardy jazalaý kúsheıedi» degen taqyryppen berilgen.

***

«Kazahstanskaıa pravda» gazetiniń jazýynsha, keshe Qazaqstan Prezıdenti Nursultan Nazarbaev resmı saparmen kelgen Ózbekstan Respýblıkasynyń Prezıdenti Islam Karımovty Astana áýejaıynda kútip aldy. Sapar barysynda ekijaqty yntymaq­tas­tyqty odan ári damytý máselesin talqylaý, Mem­leket basshylarynyń birlesken málim­deme­sin qabyldaý, sondaı-aq birqatar úkimet­aralyq qujattarǵa qol qoıý josparlanǵan.

 

«Batys Qazaqstan oblystyq ІІD ózindik qaýipsizdik basqarmasynyń bastyǵy ózin-ózi atýǵa ýáde berdi», dep jazady «Ekspress-K» gazeti búgingi sanynda jarııalanǵan «Polkovnıka nıkto ne spıshet» degen taqyryptaǵy maqalasynda. Sebebi ózindik qaýipsizdik basqarmasynyń bastyǵy, polkovnık Qýanǵalı Ótesheov tekserý barysynda laýazymdy qyzmetke jaramdylyǵyn joǵary nátıjemen dáleldegen. Al eki kún ótkennen keıin oǵan jumystan bosaýǵa raport jazý usynylǵan.  Osydan keıin polkovnık Іshki ister mınıstriniń blogyna hat jazǵan. Onda: «Sizden meni jáne meniń ar-namysymdy qorǵaýyńyzdy ótinemin. Egerde men sizge Otanǵa qyzmet etý isindegi adaldyǵymdy dáleldeı almasam, onda ózime qarý qoldanýǵa májbúr bolamyn», - delingen. Bul hatqa mınıstrdiń de jaýaby berilgen.