Jenevada jasandy ıntellektke qatysty Qytaı-AQSh dıalogynyń birinshi raýndy ótti

<p>ASTANA. KAZINFORM &ndash; Jenevada jasandy ıntellekt (JI) boıynsha qytaı-amerıkandyq úkimetaralyq dıalogtyń birinshi otyrysy ótti.</p>

Qytaılyq BAQ-tyń habarlaýynsha, eki tarap JI tehnologııalarymen baılanysty táýekelder, jahandyq basqarý jáne olardy qyzyqtyratyn basqa da máseleler boıynsha tereń, kásibı jáne syndarly pikir almasty.

Taraptar JI tehnologııalary men ony basqarý salasyndaǵy bastamalarymen baılanysty táýekelder, sondaı-aq JI kómegimen ekonomıkalyq jáne áleýmettik damýǵa járdemdesý boıynsha qabyldanǵan sharalar týraly pikir bildirdi.

Qytaı tarapy JI tehnologııasy – qazirgi ýaqytta eń kóp nazar aýdaryp otyrǵan jańa tehnologııa ekenin jáne onyń árqashan adamǵa baǵdarlaný jáne aqyl-oıdy ıgilikke paıdalaný tujyrymdamalaryn ustanatynyn, osylaısha JI tehnologııasy paıdaly, qaýipsiz jáne ádiletti ekenin atap ótti.

Qytaı Birikken Ulttar Uıymynyń basty arna rólin atqarýy úshin JI-dy jahandyq basqarýdyń nyǵaıtylýyn qoldaıdy jáne JI-dy basqarýdyń jahandyq júıesi men standarttary men normalaryn qurý úshin halyqaralyq qaýymdastyqpen, sonyń ishinde Amerıka Qurama Shtattarymen baılanys pen úılestirýdi kúsheıtýge daıyn.

Eki tarap JI tehnologııalarynyń damýy múmkindikter de, táýekelder de týdyratynyn moıyndady.