Jenevada Qazaqstan Syrtqy ister mınıstri ekijaqty kezdesýler ótkizdi

JENEVA. QazAqparat - BUU Adam quqyqtary jónindegi keńesi otyrysynyń aıasynda Syrtqy ister mınıstri Muhtar Tileýberdi birqatar ekijaqty kezdesý ótkizdi, dep habarlaıdy QazAqparat QR SІM baspasóz qyzmetine silteme jasap.

Dúnıejúzilik saýda uıymynyń (DSU) Bas dırektory Roberto Azevedomen kezdesý barysynda taraptar maýsym aıynda Nur-Sultandaǵy DSU-nyń 12-shi mınıstrlik konferentsııasynyń daıyndyq barysyn talqylady. Turaqty jáne boljamdy halyqaralyq saýda júıesin qurý jáne DSU reformalaý kontekstinde forýmnyń joǵary ózektiligi, sondaı-aq Mınıstrlik forýmy qarsańynda ótkiziletin DSU máseleleri boıynsha parlamenttik konferentsııanyń mańyzdylyǵy atap ótildi.

Jenevadaǵy BUU bólimshesiniń Bas dırektory Tatıana Valovaıamen ótken kezdesýde suhbattasýshylar Qazaqstannyń Jenevadaǵy BUU júıesiniń uıymdarymen yntymaqtastyǵyn jandandyrý perspektıvalary týraly pikir almasty.

M. Tileýberdi ekijaqty jáne kópjaqty yntymaqtastyq máselelerin talqylaý úshin Shveıtsarııa men Fınlıandııa syrtqy saıası vedomstvolarynyń basshylary Ignatsıo Kassıs jáne Pekka Haavıstomen kezdesti.