«Jenmın jıbao» gazetiniń prezıdenti «QazAqparatty» 100 jyldyq mereıtoıymen quttyqtady

NUR-SULTAN. QazAqparat - «Jenmın jıbao» gazetiniń prezıdenti Lı Bao Shan «QazAqparat» agenttiginiń basqarma tóraǵasy Asqar Ýmarovqa agenttiktiń 100 jyldyq mereıtoıyna oraı quttyqtaý hat joldady.

«QazAqparat» halyqaralyq aqparattyq agenttigi 100 jyldyq mereıtoıy qarsańynda «Jenmın jıbaonyń» shynaıy quttyqtaýyn qabyl alyńyzdar!

«QazAqparat» agenttigi - Qazaqstandaǵy ulttyq jańalyqtar agenttigi jáne mańyzdy halyqaralyq aqparat agenttigi. 1920 jyly qurylǵan ýaqyttan bastap osy ýaqytqa deıin «QazAqparat» saıasat, ekonomıka, qoǵam jáne sport sııaqty túrli salalarda shynaıy, obektıvti jáne bedeldi aqparatty Qazaqstan men álemge taratýda», delingen Lı Bao Shannyń quttyqtaýynda.

Ol «Jenmın jıbao» gazeti árdaıym «QazAqparat» agenttigimen yntymaqtastyqqa úlken mán beretinin atap ótti.

«Sondyqtan «QazAqparat» agenttigin mereıtoımen quttyqtaý biz úshin mańyzdy. «Bir beldeý - bir jol» Jańalyqtar yntymaqtastyǵy alıansynyń aıasynda bizdiń taraptar sońǵy jyldary, ásirese jańalyqtarmen almasý jáne kadrlar daıarlaý salasynda kóptegen jaqsy baılanys ornatty. Ekijaqty birlesken kúsh-jigerdiń arqasynda eki halyq arasyndaǵy ózara túsinistikke yqpal etip, Qytaı men Qazaqstan arasyndaǵy turaqty strategııalyq seriktestiktiń damýyna úles qosa alamyz dep úmittenemiz.

Bolashaqta yntymaqtastyqty nyǵaıtýǵa jáne dostyqty tereńdetýge úmit artamyz. «QazAqparat» agenttigin sizdiń basshylyǵyńyzben jaqsy damýyn shyn júrekten tileımin. Sizge jáne barlyq áriptesterińizge myqty densaýlyq jáne baqyt tileımiz!», - dedi «Jenmın jıbao» gazetiniń prezıdenti.