Jemqorlyqpen kúresti preventsııa baǵytynda kúsheıtemiz – Marat Ahmetjanov

NUR-SULTAN. QazAqparat – Qazaqstan jemqorlyqpen kúresti preventsııa baǵytynda kúsheıtedi. Bul týraly QR Sybaılas jemqorlyqqa qarsy is-qımyl agenttiginiń tóraǵasy Marat Ahmetjanov aıtty, dep habarlaıdy QazAqparat tilshisi.

«Jalpy búginde jemqorlyqpen kúresti preventsııa baǵytynda kúsheıtýdi josparlap otyrmyz. ıAǵnı, jemqorlyqtyń saldarymen emes, oǵan jol beretin sebepterin, jaǵdaılaryn joıýǵa baǵyt alamyz. Qoǵamda jemqorlyqqa múldem tózbeýshilik mádenıetin qalyptastyrýymyz qajet. Eger qoǵamda quqyqtyq mádenıet, jemqorlyqqa jaǵymsyz indet retinde kózqaras qalyptaspasa, onda zań qabyldaý, jaýapkershilikti qatańdatý syndy amaldarymyzdyń bári beker bolmaq», - dedi agenttik basshysy úkimettik emes uıymdar ókilderimen onlaın kezdesýde.

Osy rette ol úkimettik emes uıymdar ókilderin jemqorlyqtyń bolashaǵymyzǵa kedergi keltiretin indet retinde qoǵamǵa tanytý jumysyna belsene aralasýǵa shaqyrdy.

«Qoǵamda bul indetke jaǵymsyz kózqaras paıda bolsa ǵana jaǵdaı túzeledi», - dedi Marat Ahmetjanov.