Jemqorlyqpen kúres qyzmetiniń basshysy Atyraý oblysyndaǵy munaı jobalarymen tanysty
Atyraý oblysyna jumys sapary barysynda QR Sybaılas jemqorlyqqa qarsy is-qımyl agenttiginiń tóraǵasy Alık Shpekbaev pen oblys ákimi Mahambet Dosmuhambetov Teńiz kenishinde boldy. Onda olar «Teńizshevroıl» JShS-nyń Teńiz kenishin ıgerý jónindegi jobalarymen tanysty.
«Keńeıtý jobasyn iske qosý 2022 jyly saǵa qysymymen basqarý jobasy iske qosylǵannan keıin, ıaǵnı 2023 jylǵa josparlanyp otyr. Jobalar júzege asyrylǵan soń Teńizdegi shıki munaıdy óndirý qýaty jylyna 12 mln tonnaǵa nemese táýligine 260 barrelge jetetin bolady. Nátıjesinde jyldyq ónim 39 mln tonna bolady»,-dedi «Teńizshevroıl» JShS keńeıtý jáne saǵa qysymyn basqarý jobasynyń dırektory Mık Kreılı.
Qurylys nysandarymen tanysqan soń agenttik basshysy Alık Shpekbaev álemdegi iri energetıkalyq jobalardyń qurylys jumystaryn júrgizý tehnologııalarymen tanysty.
Teńizshevroıl ókilderi qurylys-montajdyq jumystardyń kúrdeliligin aıtty. Olar qurylys barysynda óndiristik qaýipsizdik máselesine basa kóńil bólinetinine nazar aýdardy.
Sybaılas jemqorlyqpen kúres agenttiginiń basshysy Alık Shpekbaev kompanııa ókilderine sybaılas jemqorlyq áreketteri oryn ala qalǵan jaǵdaıda agentike tikeleı habarlasý múmkindigi bar ekenin jetkizdi.
Avtor: A. Sokolov