Jemqorlyqqa qarsy júıeli ári shuǵyl shara qabyldaý qajet – Aıgúl Soloveva
«Úkimettiń keńeıtilgen otyrysynda kóterilgen máselelerdi Prezıdent buǵan deıin de aıtqan bolatyn. Búgin ár máselege jeke toqtalyp ótti. Endigi ýaqytta máseleniń qalaı sheshiletinin ýaqyt kórsetedi. Maǵan erekshe unaǵany, maınıngke salynatyn salyqty ósirý kerektigi. Al, maınıngter bolsa bıtkoınnyń esebinen tolaǵaı tabysqa kenelip jatyr. Sondyqtan da óz basym maınıngterge salyqty ósirý bastamasyn qoldaımyn», - dedi Aıgúl Soloveva.
Sondaı-aq qoǵam qaıratkeri ákimderdiń turǵyn úı máselesin sheshý áreketterine qatysty pikir bildirdi.
«Bizde ákimder bálenbaı turǵyn úı nemese páter paıdalanýǵa berilgeni týraly esep bergendi unatady. 15 jyl boıy úı kezeginde turǵan sal aýrýyna shaldyqqan (DTsP) balasy bar áıeldi tanımyn. Jaǵdaı elordada bolǵan. Sal aýrýyna ushyraǵan balasy bar áıeldiń turǵyn úı kezeginiń jyljymaýyn basqasha qalaı túsinýge bolady? Meniń oıymsha, osy jerde qoǵamdy tartý kerek jáne turǵyn úımen qamtýǵa qatysty monıtorıng júrgizý qajet. ıAǵnı turǵyn úımen qamtamasyz etý qalaı iske asyp jatyr jáne nege baıaý degen saýal mazalaıdy. Aıtpaǵym, turǵyn úı berilip jatyr, biraq, nátıje máz emes. Nege? Álsiz jerimiz, baıaǵy sybaılas jemqorlyqqa kelip tireledi. Osy turǵyda qańtar oqıǵasy halyqtyń bılikke degen senimin kórsetip otyr. Nege narazylyq tanytýshylardyń deni ákimdik aldyna bardy? Óıtkeni, qoǵamdy sybaılas jemqorlyq máselesi jaılap barady. Endigi ýaqytta jemqorlyqqa qarsy júıeli ári shuǵyl shara qabyldaý qajet», - deıdi ol.
Eske salsaq, Prezıdent salynǵan baspanalar týraly ákimder usynǵan málimetke kúmán keltirgen edi.
Sonymen qatar Memleket basshysy maınıngke salynatyn salyqty arttyrýdy tapsyrǵan edi.