Jemqorlyq úshin byltyr elimizde 149 adam sottaldy

NUR-SULTAN. QazAqparat – 2020 jyly Qazaqstanda jemqorlyq qylmystary úshin 150-ge jýyq adam sottaldy. Bul týraly búgin QR Sybaılas jemqorlyqqa qarsy is-qımyl agenttiginiń onlaın-brıfınginde aıtyldy, dep habarlaıdy QazAqparat.

Málim etilgendeı, byltyr sybaılas jemqorlyq úshin 149 adam sottaldy. Onyń ishinde para alǵan – 33 adam, para bergen – 73, alaıaqtyq jasaǵan – 21, urlyq jasaǵan – 11, laýazymdyq ókilettikterin teris paıdalanǵan – 8 adam bar.

Bas bostandyǵynan aıyrýǵa – 42 adam, bas bostandyǵyn shekteýge – 12 adam, aıyppuldarǵa – 90 adam, qalǵandary shartty merzimge ne merzimin keıinge qaldyra otyryp sottaldy (5).

Qosymsha jazalaý sharalary 176 adamǵa qatysty qoldanyldy (bir adamǵa qatysty birneshe qosymsha jazalaý sharasy qoldanylýy múmkin): 145 adam – belgili bir laýazymdy atqarý nemese belgili bir qyzmetpen aınalysý quqyǵynan aıyryldy, 29 adam – arnaýly, áskerı nemese qurmetti ataǵynan, synyptyq sheninen, dıplomatııalyq dárejesinen, biliktilik synybynan jáne memlekettik nagradalarynan aıyryldy, 2 adam múlki tárkilenip, sottaldy.