Jemqorlyqqa jol berildi me – Antıkor sport salasyna tekserý júrgizedi

<p>Sybaılas jemqorlyqqa qarsy is-qımyl agenttigi sport salasyndaǵy jemqorlyq táýekelderine syrtqy taldaý júrgizedi, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Sybaılas jemqorlyqqa qarsy is-qımyl agenttigi baspasóz qyzmetiniń málimeti boıynsha, taldaý sheńberinde Týrızm jáne sport mınıstrliginiń, onyń ishinde onyń vedomstvolyq baǵynysty uıymdarynyń sportty qarjylandyrý máseleleri jónindegi qyzmetine taldaý jasalatyn bolady. Budan basqa, sporttyq is-sharalardy, jıyndardy, jabdyqtardy, sporttyq tamaqtanýdy satyp alýdy, sheteldik issaparlardy uıymdastyrýdy, syıaqylardy, sport obektilerin salýdy, sondaı-aq sport federatsııalary men kásibı klýbtardy ustaýdy qamtamasyz etetin bıýdjettik jáne bıýdjetten tys kózder zerdelenetin bolady.

Taldaý agenttik, múddeli memlekettik organ qyzmetkerleri jáne azamattyq qoǵam ókilderi júrgizetin bolady. Sondaı-aq Sybaılas jemqorlyqqa qarsy qyzmet azamattardy taldaý júrgizýge qatysýǵa shaqyrady.

«Eger Sizde jemqorlyq táýekelderi týraly aqparat bolsa nemese sportty qarjylandyrý salasyn jetildirý boıynsha usynystaryńyz bolsa, olardy elektrondyq poshtaǵa jiberýińizdi suraımyz [e-mail]. _________ Eger Siz jemqorlyq faktilerine tap bolsańyz, @antikorkz_bot Telegram-boty nemese 1424 nómiri arqyly shuǵyl habarlańyz», - delingen habarlamada.