Jemqorlyqqa jol bergen adamdar kvazımemlekettik sektorda basshylyq qyzmetti atqara almaıdy
ıAǵnı, bul sybaılas jemqorlyq qylmys jasaǵan adamdy kvazımemlekettik sektor sýbektilerine jumysqa ornalastyrýǵa jol berilmeıtinin bildiredi, dep habarlaıdy
Qazaqstan Respýblıkasy Bas prokýratýrasynyń Quqyqtyq statıstıka jáne arnaıy esepke alý jónindegi komıtetiniń baspasóz qyzmeti.
Konstıtýtsııalyq Sottyń 2023 jylǵy 31 tamyzdaǵy Normatıvtik qaýlysymen Eńbek kodeksiniń 26-baby 2-tarmaǵynyń 2) tarmaqshasy tómendegideı túsindirmede Konstıtýtsııaǵa sáıkes dep tanyldy:
«Sybaılas jemqorlyqqa qarsy is-qımyl týraly» Qazaqstan Respýblıkasynyń Zańymen quqyqtyq ózara baılanysty bolý úshin sybaılas jemqorlyq qylmys jasaǵan adamnyń kvazımemlekettik sektor sýbektilerine jumysqa ornalasýyna shekteýkórsetilgen uıymdarda basqarýshylyq fýnktsııalardy oryndaýmen baılanysty laýazymdarǵa úmitker adamdarǵa qatysty qoldanylady.
Eger buryn kvazımemlekettik sýbektilerge jumysqa ornalasýdaǵy shekteý sybaılas jemqorlyq qylmys jasaǵan adamdarǵa qatysty barlyq laýazymdarǵa qoldanylǵan bolsa, qazir bul málimetter basqarý fýnktsııalaryn oryndaýǵa baılanysty laýazymdarǵa úmitker adamdarǵa ǵana qatysty talap etiledi.
Atalǵan sanatqa «Sybaılas jemqorlyqqa qarsy is-qımyl týraly» Zańnyń 1-baby 2-tarmaǵynyń 2-1) tarmaqshasyna sáıkes kórsetilgen uıymdarda uıymdastyrýshylyq-ókimdik nemese ákimshilik-sharýashylyq fýnktsııalardy turaqty, ýaqytsha ne arnaýly ókilettik boıynsha oryndaıtyn adamdar jatady.
Bas prokýratýranyń Quqyqtyq statıstıka jáne arnaıy esepke alý jónindegi komıteti adamnyń sybaılas jemqorlyq qylmys jasaǵany týraly málimetterdi memlekettik qyzmetter kórsetý sheńberinde usynady.
Memlekettik kórsetiletin qyzmettiń qabyldanýy jáne usynylýy www.egov.kz «elektrondyq úkimet» veb-portaly arqyly jáne onyń eGov mobile mobıldi qosymshasy arqyly júzege asyrylady.
Qyzmettiń oryndalý merzimi 10 mınýt, qosymsha tekserý qajet bolǵan jaǵdaıda – 5 jumys kúndi quraıdy.
Sondaı-aq atalaǵan qyzmet «elektrondyq úkimet» portalyndaǵy «úshinshi tulǵalarǵa anyqtamalar berý» servısi arqyly jumysqa ornalasatyn kandıdattarǵa qatysty málimetter, olar «jeke kabınet» jáne (nemese) sms-rastaý arqyly kelisken jaǵdaıda jumys berýshilerge de qoljetimdi.