Jemqorlyǵy úshin sottalǵan BQO ákimi orynbasarynyń apellıatsııa shaǵymyn sot qaramady

<p><span style="font-family: sans-serif; font-size: 18px;">Qyzmet babyn teris paıdalanǵany úshin sottalǵan BQO ákiminiń burynǵy birinshi orynbasaryna qatysty apellıatsııalyq shaǵym qaraýsyz qaldyryldy, dep habarlaıdy QazAqparat tilshisi.</span></p>

BQO sotynyń baspasóz qyzmetinen túsken málimetke qaraǵanda, Erjan Baltaev pen onyń advokaty apellıatsııalyq shaǵymdy keri qaıtaryp, onyń qaraýsyz qaldyrýyn ótingen.

Soǵan baılanysty apellıatsııalyq shaǵym qaraýsyz qaldyrylyp, óndiris qysqartyldy.

Sot úkimi zańdy kúshine endi. 

Eske sala keteıik, budan buryn jemqorlyǵy úshin sottalǵan BQO ákiminiń burynǵy orynbasary apellıatsııalyq shaǵym túsirgenin jazǵan bolatynbyz.

Qyzmet babyn asyra paıdalanǵany úshin E.Baltaev sot úkimimen aıypty dep tanylyp, oǵan 8,6 mln teńge kóleminde aıyppul salynǵan bolatyn.

Oǵan qosa burynǵy orynbasar memlekettik qyzmet atqarý quqyǵynan ómir boıyna aıyryldy.