Jemqorlardy shetelge shyǵarmaý týraly normany engizý múmkindigi bar — Aıdos Sarym

<p>ASTANA. KAZINFORM &mdash; Májilis depýtaty Aıdos Sarym jazasyn ótep shyqqan jemqorlardyń ózine shetelge shyǵýǵa tyıym salý usynysyna pikir aıtty.</p>

— Bul pikir kópten beri aıtylyp júr. Negizi, ony qaraýǵa bolady. Bizde Konstıtýtsııalyq sot jumys istep jatyr. Sondyqtan bul norma engizilse, «azamattardyń quqyǵy taptaldy» degen áńgimeden ǵana qorqyp otyrmyz. Osyǵan deıin osy usynysty birneshe ret talqyladyq. Meniń oıymsha, beıresmı túrde Konstıtýtsııalyq sot, Joǵarǵy sot jáne sarapshylarmen taǵy bir aqyldasyp kóremiz. Osy oraıda zańǵa qaıshy kelmeýi máselesi qaralady, — dedi A. Sarym Májilistiń jalpy otyrysynan keıin tilshiler suraǵyna jaýap bere otyryp. 

Osy oraıda depýtat qazir salyq nemese aıyppuldy tólemegenderge shetelge shyǵýyna shekteý bar ekenin eske saldy. 

— Osy normany da solardyń qataryna jatqyzsa, ótip ketýi múmkin, — dep túsindirdi Aıdos Sarym.

Aıta keteıik, Májilis depýtaty Azat Perýashev sybaılas jemqorlyqpen kúresti jetildirýge arnalǵan zań jobasyn talqylaý kezinde halyqtyń qarjysyn jymqyrǵandardy shetelge shyǵarmaýdy usyndy. 

Buǵan deıin habarlanǵandaı, búgin Májilistiń jalpy otyrysynda «Qazaqstan Respýblıkasynyń keıbir zańnamalyq aktilerine sybaılas jemqorlyqqa qarsy is-qımyl máseleleri boıynsha ózgerister men tolyqtyrýlar engizý týraly» zań jobasy men ilespe qujat birinshi oqylymda maquldandy.