Jemqorlardan tárkilengen qarajat áli de mektep salýǵa jetedi

<p>Jemqorlardan tárkilengen qarajat jınaqtalatyn qordan mektep salýǵa qarjy bólýge áli múmkindik bar. Bul týraly Premer-Mınıstrdiń orynbasary &ndash; Qarjy mınıstri Erulan Jamaýbaev aıtty, dep habarlaıdy <a href="Kazinform" target="_blank" rel="noopener">Kazinform</a>.</p>

«150 mlrd teńgeden asa qarajat arnaıy shotqa (Jemqorlardan tárkilengen qarajat jınaqtalatyn qor) tústi. Bul arnaıy shottan 62 mektepke qarajat bólindi. Qazaqstannyń ár aýmaǵynan berilgen usynysqa sáıkes qarajat berildi. Biraq, bári jumsalǵan joq, 90 mlrd teńgege jýyq qarajat bólingen bolatyn. Sondyqtan 60 mlrd teńgege jýyq qarajat áli bar. Eger aldaǵy ýaqytta apatty jaǵdaıdaǵy nemese úsh aýysymdy mektepter bolsa, onda solardy jóndeý úshin ótinim kelip tússe, qarastyramyz. Qarajat Respýblıkalyq bıýdjettik komıssııa sheshimimen bólinedi», - dedi Erulan Jamaýbaev Májilistiń jalpy otyrysynan keıin BAQ ókilderiniń saýalyna oraı.

Aıta keteıik, qordyń qyzmeti mektepterdi, qosalqy ǵımarattardy jáne ınternattardy salý jáne qaıta jańǵyrtý arqyly úsh aýysymdyq mektepter men apatty oqý oryndarynyń máselelerin sheshýge jáne jalpy bilim berý mekemelerindegi oryn tapshylyǵyn joıýǵa baǵyttalǵan.