«Jemisterge jasyryn túrde vaktsınalar qosylyp jatyr» - feık

ASTANA. QazAqparat - Áleýmettik jelilerde tarap jatqan vıdeoda 2000 jyly vaktsınatsııaǵa qarsy shyqqan azamattardy egý úshin jemiske jasyryn túrde vaktsınalar qosylyp jatqany aıtylýda. Máseleniń anyq-qanyǵyn Stopfake.kz anyqtady, dep habarlaıdy QazAqparat.

«Rolıkte The Guardian portalyndaǵy maqalanyń skrınshoty kórsetilgen, onyń taqyrybyn «Gendik-modıfıkatsııalanǵan jemisterdegi vaktsına V gepatıtin joıa alady» dep aýdarýǵa bolady. Mundaı maqala shynymen de bar. Ol 2000 jyldyń 8 qyrkúıeginde jaryq kórdi jáne ol naqty preparat emes, synaqtar týraly.
Sondaı-aq mátinde jeýge bolatyn vaktsınalar 1990 jyldary ázirlene bastaǵany týraly aıtylady. Ideıa ımmýndyq reaktsııany týdyrýy jáne belgili bir aýrýǵa qarsy vaktsına retinde áreket etýi múmkin gendik-modıfıkatsııalanǵan ósimdik nemese janýar ónimderin jasaýǵa negizdeldi», - dep jazylǵan Stopfake.kz saıtynda.

Málimetke súıensek, jeýge bolatyn vaktsınalardy jasaý óte qıyn.

«Búginde, osy salada zertteýler bastalǵan 30 jyldan soń, álemde tyrysqaq, qyzylsha, enterovırýsty vezıkýlıarly stomatıt jáne V, S jáne E gepatıtterine qarsy jeýge bolatyn vaktsınalar bar. Alaıda olardyń barlyǵy ártúrli synaq kezeńderinde, al keıbiri áli kúnge deıin adamdarda synalmaǵan – tek zerthanalyq janýarlarda ǵana. Jeýge bolatyn vaktsınalardyń eshqaısysy áli naryqqa shyǵarylǵan joq jáne ony alý múmkin emes. Demek, taraǵan aqparat – manıpýlıatsııa. Jeýge jaramdy vaktsınalar búgingi kúnge deıin ázirlik satysynda. Olardyń kómegimen qashan, neden jáne qalaı egilýge bolatyny belgisiz. Qazirgi kezde dúkender men bazarlarda satylatyn jemiste vaktsınalar joq», - dep qorytyndylanǵan habarlamada.