Jemeseń túsińe kiredi: Qazaqstannyń qaı óńirinde etti kóp tutynady

<p>ASTANA. KAZINFORM &ndash; Ulttyq statıstıka bıýrosy 2023 jyldyń tórtinshi toqsanynda jan basyna shaqqandaǵy azyq-túlik tutyný derekterin jarııalady.</p>

Bıýronyń málimeti boıynsha, azyq-túlikti satyp alýǵa jumsalǵan shyǵyndardyń eń kóp úlesi et jáne et ónimderine (17,4%) eken. Nan ónimderi men jarma ónimderine – 8%, sút ónimderine – 5,4% keledi.

Bul rette, et jáne et ónimderin Jambyl oblysynyń turǵyndary kóp tutynatyn bolyp shyqty ( toqsan boıynsha jan basyna shaqqanda 25,8 keli). Al, nan jáne jarma ónimderin eń kóp tutynatyndar Túrkistan oblysynda turady (44,1 keli). 

Balyq ónimderin Shyǵys Qazaqstan oblysy, Batys Qazaqstan oblysy jáne Soltústik Qazaqstan oblysy turǵyndarynyń as mázirinde jıi kezdesedi (5,2 keli).

Kókónisti túrkistandyqtar (23,8 keli), jemisti Almaty qalasynyń turǵyndary (22,1 keli), al, túrli táttini ulytaýlyqtar (14,4 keli) jıi tutynady.