Jeltoqsanshy: Táýelsizdik – qasıetti uǵym, biz ony qurmetteýimiz kerek

ALMATY. QazAqparat– «Jeltoqsan qoǵamy» qoǵamdyq birlestiginiń tóraǵasy, 1986 jylǵy Jeltoqsan oqıǵasyna qatysýshy Nurlybek Qýanbaev almatylyqtardy Qazaqstan Respýblıkasynyń Táýelsizdik kúnimen quttyqtady, dep habarlaıdy QazAqparat tilshisi.

«Táýelsizdik degen uǵymnyń ózi kıeli. Búginde álemde shamamen 2000-ǵa jýyq ult men etnıkalyq top bar. Qazirgi ýaqytta BUU-da barlyǵy 195 táýelsiz memleket eken. Oılap qarasaq, 2000 ulttyń ishinde tek 200-inde ǵana táýelsiz memleket bar. Onyń ishinde biz de barmyz. Qanshama ult memleketsiz, jersiz týyn tikti. Táýelsizdik – qasıetti uǵym jáne biz ony qurmetteýimiz kerek», — deıdi N. Qýanbaev.

Sonymen qatar, ol keleshek urpaqqa úlken úmit artylǵanyn jetkizdi.

«Bizdiń halqymyz ósip, órkendeı bersin dep tileımin, al Táýelsizdigimiz máńgilik bolsyn! Sizderge Táýelsizdiktiń baqytty kúnderin, myqty densaýlyq, barsha ıgilik pen jarqyn bolashaq tileımin! Biz elimizdiń keleshek urpaǵyna úlken úmit artamyz. El bolashaǵy jastardyń qolynda», - dep atap ótti ol.

Eske sala keteıik, keshe Almaty ákimi Baqytjan Saǵyntaev jáne 1986 jylǵy Jeltoqsan oqıǵasyna qatysýshylar Qazaqstan Respýblıkasynyń Táýelsizdik monýmentine gúl shoǵyn qoıý saltanatty sharasyna qatysqan bolatyn.

Foto: www.facebook.com/nurlybek.kuanbaev