Jeltoqsanda otandyq munaı óńdeý zaýyttary 56 myń tonna áýe kerosınin óndiredi
«Іshki naryqty avıa otynmen qamtamasyz etý úshin osy jyldyń qazan aıynda múddeli memlekettik organdardyń, resýrs ustaýshylardyń, sondaı-aq avıakompanııalar/áýejaılar ókilderiniń, otyn ımporttaýshylardyń qatysýymen keńes ótkizildi. Onyń qorytyndysy boıynsha avıakompanııalar men áýejaılarǵa avıatsııalyq otyndy basymdyqpen jóneltý týraly sheshim qabyldandy. Bırjalyq baǵalarǵa qatysty qazirgi kezde bir saýda sessııasy kezinde bazalyq deńgeıden 2 paıyzǵa kóterilý shekteýlerine baılanysty bırjadaǵy baǵalar naryqtyq konıýnktýrany kórsetpeıtinin atap ótemiz», - delingen Úkimet basshysy orynbasarynyń jaýabynda.
Onyń atap ótýinshe, shildeden qazanǵa deıingi saýda-sattyq kezeńinde baǵa 1 tonnasyna 200 myń teńgeden 256 myń tonnaǵa deıin ósti. Alaıda osy jylǵy 8 qarashada Bırjalyq komıtettiń sheshimimen baǵa 1 tonnasyna 220 myń teńgege deıin tómendetildi.
«Bıyl qarashada ortasha aılyq tutyný osy jyldyń 10 aı úshin 53,4 myń tonna bolǵan kezde kerosın óndirisiniń kólemi shamamen 46 myń tonnany jáne jeltoqsanda 56 myń tonnany quraıdy. Aldyn ala aqparat boıynsha, «Nursultan Nazarbaev halyqaralyq áýejaıy» AQ Orsk MÓZ-i óndirgen 10 myń tonnaǵa jýyq avıakerosınge qol jetkizdi. Sondaı-aq «QazMunaıGaz» UK» AQ qarasha-jeltoqsan aılarynda áýejaılarǵa 15-20 myń tonna kóleminde avıa otyndy ımporttaýǵa járdem berýde. Búgingi kúni barlyq MÓZ-der táýlik saıyn avıatsııalyq otyn óndiredi jáne ishki naryqqa ýaqtyly jónelte otyryp, shtattyq rejımde jumys isteýde», - dedi Roman Sklıar.