Jeltoqsanda Qazaqstanda 7 iri ındýstrııalyq joba iske qosylady

ASTANA. 6 qarasha. QazAqparat - Jeltoqsanda Qazaqstan Indýstrııalandyrý kartasynyń 7 iri jobasy iske qosylady.

Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi baspasóz máslıhatynda Indýstrııa jáne jańa tehnologııalar mınıstri Áset Isekeshev málim etti. «2013 jylǵa 500 mıllıard teńgeniń 140 jobasyn iske qosý josparlanǵan. Bul baǵytta 13 myń jumys orny qurylady»,-dedi mınıstr. Á. Isekeshev Úkimettiń baqylaýynda turǵan mańyzdy jobalardy ýaqtyly salyp, iske qosý mańyzdy ekenin aıta kele, bıylǵy jyly Indýstrııalandyrý kartasynyń 7 iri jobasy iske qosylatyndyǵyn, ıaǵnı bıylǵy jeltoqsanda paıdalanýǵa beriletindigin atap ótti. Sonymen qatar mınıstr aǵymdaǵy jyly barlyq ındýstrııalyq jobalarǵa baǵyttalǵan ınvestıtsııa kólemi 1,5 trln. teńgeni quraıtyndyǵyn jetkizdi.