Jeltoqsanda elimiz boıynsha 400-den astam jármeńke uıymdastyrylǵan

<p>ASTANA. KAZINFORM - Ótken senbi-jeksenbi, 28-29 jeltoqsan kúnderi Qazaqstanda bıylǵy jyldyń sońǵy aýylsharýashylyq ónimderiniń jármekeleri ótti, dep habarlaıdy QR Saýda jáne ıntegratsııa mınıstrliginiń baspasóz qyzmeti.</p>

Qazaqstandyqtar 2 myń tonnadan astam azyq-túlik, 209 120 dana jumyrtqa satyp alǵan. Shymkentte ótken jármeńkelerge 140 000 dana jumyrtqa satylymǵa shyǵarylsa, 136 000 danasy 52-55 teńgeden satylǵan. Sondaı-aq shymkenttikter 90 teńgeden 4000 dana nan satyp alǵan.

Al Túrkistanda ótken jármeńkelerde turaqtandyrý qoryndaǵy ÁMAT taýarlarynyń barlyq 19 túri satyldy. Onda jumyrtqa baǵasy 40 teńge, kúnbaǵys maıynyń lıtri 520 teńgeden satyldy. Jármeńkege 700 keli un shyǵarylsa, kelisi 190 teńgeden tutastaı satylǵan. Al qyzylordalyqtar 500 keli qysqy qarbyz satyp alǵan. Bul ónimniń kelisi jármeńkede 120 teńgeden saýdalanǵan.

Jeltoqsanda elde 400-den astam aýylsharýashylyq jármeńkeleri uıymdastyryldy. Jármeńkeler saýda zańnamasyna saı ótkiziledi jáne ondaǵy baǵa naryqtaǵy baǵadan 10-15% arzan.

Osyǵan deıin Almatyda jańa jyldyq shyrshalar jármeńkesi ótip jatqany týraly habarladyq.