Jeltoqsanda «Tsıfrlyq teńge» pılottyq jobasynyń nátıjeleri jarııalanady – Dosaev
«Búkil álem boıynsha 63 ortalyq bank ulttyq tsıfrlyq valıýtalardy engizý máselesin zerdeleýde. Ulttyq bank naryq qatysýshylarymen birge «Tsıfrlyq teńge» pılottyq jobasyn iske asyra bastady. Biz tólem servısteriniń qoljetimdiligin arttyryp, ekonomıkadaǵy tranzaktsııalardyń qunyn tómendetý úshin jobanyń aıtarlyqtaı áleýetin kórip otyrmyz. Tsıfrlyq teńge platformasy túbegeıli jańa servıster qurý úshin de múmkindikter ashady. Bul rette ulttyq tsıfrlyq valıýtany shyǵarýdan týyndaıtyn barlyq yqtımal táýekelder men artyqshylyqtardy jan-jaqty baǵamdaý qajet», - dedi Erbolat Dosaev.
Onyń aıtýynsha, bıylǵy jeltoqsanda pılottyq jobanyń nátıjeleri boıynsha baıandama jarııalanady, onda tehnologııalyq saraptamanyń qorytyndylary, naryq qatysýshylarymen, saraptamalyq qoǵamdastyqpen birge jasalǵan zertteýler men talqylaýlardyń nátıjesi jarııalanady.
«Ekonomıkalyq jaǵdaılar jyldam ózgeretin shaqta qarjy naryǵynyń bıznes-derekteriniń biryńǵaı platformasyn qurý arqyly retteýshiler men naryqqa qatysýshylar arasyndaǵy joǵary tehnologııalyq ózara is-qımyldy qamtamasyz etý mańyzdy. Kredıttik tirkelim qarjy naryǵynyń basqa derekkózderimen birge biryńǵaı derekter qoımasy – qarjylyq data lake úshin negiz bolady. Bul qadaǵalaý jáne retteý maqsatynda ozyq taldaýdy qoldanýǵa arnalǵan jańa múmkindikterdi ashady jáne naryqqa qatysýshylar úshin retteýshi talaptardyń saqtalýyn jeńildetedi. RegTech jáne SupTech tehnologııalaryn engizý data-ortalyqtandyrylǵan qadaǵalaý men retteýge kóshýdi qamtamasyz etedi, sondaı-aq naryq shyǵyndaryn azaıtady», - dep túsindirdi spıker.
Sonymen birge Qazaqstannyń depozıtterge kepildik berý qory (QDKQ) pılottyq rejımde «Kepildik berilgen ótemdi tóleýdiń elektrondyq portalyn» iske qosty.
E. Dosaevtyń aıtýynsha, búgingi tańda táýelsiz memleketter dostastyǵynda mundaı onlaın tólem júıesiniń balamasy joq.