Jeltoqsanda Baký-Aqtaý baǵytymen 566 júk kóligi tasymaldandy

ASTANA. QazAqparat - 2015 jyldyń jeltoqsan aıynda «Ázerbaıjan Kaspıı teńizi keme sharýashylyǵy» mekemesiniń kemeleri Baký-Aqtaý baǵytymen 566 júk kóligin tasymaldaǵan, dep habarlady Trend.

Jyl basynan beri atalǵan baǵytpen 255 júk kóligi, al 2015 jyldyń qańtar-qarasha aılarynda Baký-Aqtaý baǵyty boıynsha ortasha alǵanda aı saıyn 60 júk kóligi tasymaldandy. Bul osyǵan sáıkes buǵan deıingi kórsetkishten 10 ese kóp.

Atalǵan mekeme Alıat kemejaıyndaǵy kezekti azaıtý úshin júıeli jumys júrgizýde. Qys aılarynda aýa raıynyń nasharlaýyna qaramastan, qosymsha reıster uıymdastyrylyp, rezervtegi kemeler baǵdarǵa shyǵarylǵan.

Jeltoqsannyń ortasynan rezervtegi úsh keme - «Akademık Topchýbashev», «Karabah» jáne «Professor Gıýl» júk kólikterin tasymaldaýǵa jumyldyrylǵan. Taıaý kúnderi taǵy bir keme - «Merkýrıı 1» tıisti tehnıkalyq jumystar ótkizilgennen keıin paıdalanýǵa berilmek.

Qazirgi ýaqytta Baký-Aqtaý jáne Baký-Túrikmenbashy baǵytynda 11 parom men eki iri kólik tasıtyn Ro-Ro kemesi jumys isteýde.