Jeltoqsan oqıǵasyna baılanysty qujattyq jınaq jaryq kórdi

NUR-SULTAN. QazAqparat – Almatydaǵy QR Ulttyq kitaphanasynda «Jeltoqsan. Dekabr. 1986. Dokýmentalnaıa hronıka» atty ǵylymı eńbektiń tanystyrylymy ótti, dep habarlaıdy QazAqparat.

Kitap Jeltoqsan oqıǵasynyń 35 jyldyǵyna arnaldy. Jeltoqsan oqıǵasynyń qatparly syrlaryn pash etetin eńbekti qurastyryp, oqyrman qaýymǵa usynǵan — QR Parlamenti Májilisiniń depýtaty, tarıh ǵylymdarynyń kandıdaty Berik Ábdiǵalıuly.

Atalmysh sharaǵa tarıhshy ǵalymdar, jeltoqsanshylar, zertteýshi jastar qatysty. Táýelsizdiktiń tuǵyry bolǵan Jeltoqsan oqıǵasyna baılanysty qujattyq jınaqty zııaly qaýym ókilderi jyly qabyldap, ult rýhynyń oıanýyna qosylǵan eseli eńbek dep baǵalady.

1986 jylǵy Jeltoqsan oqıǵasyna baılanysty qujattyq materıaldar toptastyrylǵan jınaq 3 bólimge bólinip, hronıkalyq retpen berilgen.

Birinshi bólimde 1986 jylǵy jeltoqsan aıyndaǵy partııa, memleket jáne quqyq qorǵaý organdarynyń resmı qujattary toptastyrylsa, ekinshi bólimde 1986 jylǵy Jeltoqsan oqıǵasynyń sebepteri men jaǵdaıy jaıyndaǵy QazKSR Joǵarǵy Keńesi Prezıdıým Komıssııasynyń zertteý materıaldary berilgen.

Al úshinshi bólimde QR Konstıtýtsııalyq Soty (1992-1994) qarastyrǵan qujattyq materıaldar tizbegi jınaqtalǵan.