Jeltoqsan aıynda tasqyndardy boljaý júıesi iske qosylady

<p>ASTANA. KAZINFORM &ndash; Jeltoqsan aıynda tasqyndardy boljaý jáne modeldeý júıesi pılottyq rejımde iske qosylady. Tsıfrlyq damý, ınnovatsııalar jáne aeroǵarysh ónerkásibi mınıstri Jaslan Mádıev Úkimet otyrysynda osynda derek aıtty.&nbsp;</p>

«Sý tasqynyn boljaý jáne modeldeý» aqparattyq júıesin ázirlenip jatyr. Ol jumystar birneshe kezeńnen turady. Mınıstrlik Tótenshe jaǵdaılar, Ekologııa jáne tabıǵı resýrstar, Sý resýrstary jáne ırrıgatsııa mınıstrlikterimen birlesip sý tasqynyn boljaý men modeldeýdiń biryńǵaı ádistemesin ázirlep, bekitti. Osylaısha, júıeni testilik rejımde iske qosý aǵymdaǵy jyldyń 1 jeltoqsanynda josparlanýda», - dedi mınıstr.

Sondaı-aq, búgingi Úkimet otyrysynda Tótenshe jaǵdaılar mınıstri Shyńǵys Árinov tasqynmen kúreske qosymsha ushaq pen tikushaqtar satyp alý qajettigin málim etti.

«Birinshi, qutqarýshylardy arnaıy kıim-keshekpen jáne qural-jabdyqtarmen qamtamasyz etý tásilderi qaıta qaralýda. Satyp alynatyn kıim sapaly jáne tapsyrmalardy oryndaýǵa yńǵaıly qımyl qozǵalysqa qolaıly bolýy kerek. Ekinshi, sapaly arnaıy avtomobılder men ınjenerlik tehnıkalar, onyń ishinde júzý quraldaryn, ushaqtar men tikushaqtar satyp alynady. Biz ushqyshtardy túnde jáne qolaısyz aýa raıy jaǵdaıynda ushýǵa oqytyp úıretýdi josparlap otyrmyz», - dedi Shyńǵys Árinov.