Jeltoqsan aıynda qazaqstandyqtar neshe kún demalady

<p>Jeltoqsan aıynda qazaqstandyqtar 20 kún jumys istep, 11 kún demalady, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Qazaqstan Respýblıkasyndaǵy merekeler týraly zańda 16 jeltoqsan – Táýelsizdik kúni bolyp belgilengen. Eger memlekettik nemese ulttyq mereke demalys kúnine (senbi, jeksenbi) kelse, demalys kúnderi bir kúnge uzartylady.

Osylaısha, aptasyna bes kún jumys isteıtinder 16, 17, 18 jeltoqsan kúnderi, alty kún jumys isteıtinder – 16 jáne 17 jeltoqsan kúnderi demalady.

Aıta keteıik, 1 jeltoqsan – Qazaqstan Respýblıkasynyń Tuńǵysh Prezıdenti kúni retinde merekeler tizbeginde qaldy. Biraq bul kúni demalys berilmeıdi.

Buǵan deıin Eńbek jáne halyqtyń áleýmettik qorǵaý mınıstrligi 2024 jylǵy Jańa jyl merekesinde qansha kún demalys bolatynyn túsindirgen edi.

2023 jyldyń sońǵy senbi-jeksenbisi 30 jáne 31 jeltoqsanǵa sáıkes keledi.

Jańa 2024 jylǵa arnalǵan resmı demalys kúnderi – 1, 2 qańtar.

Osylaısha, aptasyna 5 kún jumys isteıtin qazaqstandyqtar 4 kún qatarynan demalysqa shyǵa alady.