Jelini tańǵaldyrǵan túrkistandyq gıd-kúzetshi aǵylshyn tilin uıaly telefonnan úırengen

<p>TÚRKІSTAN. KAZINFORM &mdash; Túrkistandyq kúzetshiniń aǵylshyndarmen erkin sóılesip júrgen vıdeosy áleýmettik jelide keńinen tarap ketti. Qoja Ahmet ıAsaýı kesenesine kelgen týrısterge eksponattardy aǵylshyn tilinde tanystyrǵan qarapaıym eńbek adamynyń bul áreketi kópshiliktiń tańdanysyn týǵyzdy.&nbsp;</p>

Gıd-kúzetshiniń esimi — Sher Ilıasov. ıAsaýı kesenesinde kúzetshi bolyp qyzmet atqarady.

55 jastaǵy azamattyń aǵylshyn tilin meńgere bastaǵanyna 5 jyldyń júzi bolǵan. 

«Bos ýaqyt kóp bola bermeıdi. Tek úıge barǵanda ǵana til meńgerýge nazar aýdaramyn. Eshqandaı kýrsqa jazylyp, sabaq alyp júrgen joqpyn. Tek óz kúshimmen úırenip júrmin. Bilgenimnen bilmegenim kóp. Sondyqtan izdenýdi toqtatqan emespin. Qazir aqparattardy da aǵylshyn tilinde tyńdap júrmin», — deıdi ol.

Sher Talǵatbekuly kúndelikti keshki astan soń bir saǵat ýaqytyn til úırenýge bóledi. Uıaly telefon arqyly sózder jattaıdy da, aýdıo arqyly aıtylýy men oqylýyn meńgeredi. 

Túsinbegen tustaryn ul-qyzynan suraıdy. «Kitappen úırený qolaısyz» — deıdi jigit aǵasy. 

«Qazaqta „jolaýshy músápir“ degen sóz bar. Kesenege kelgen týrıster kópshilikten kómek surap, túsindire almaı jatqan kezderin kórsem, birden qasyna baramyn. Ájethananyń qaıda ekenin, sý ishetin jáne tamaq ishetin jerlerdi surap jatady. Barshasyna kómektesemin. Bul men úshin úlken tájirıbe», — deıdi ol.

Sher Talǵatbekuly jumys barysynda kúndelikti jattaǵan sózderin qoldanyp, sheteldiktermen sóılesedi. Suraqtaryna jaýap berip, jón silteıdi.

Tipti, kesene aýmaǵynda gıd qyzmetin de atqaryp kete beredi.

Sebebi, mundaǵy tarıhı oryndar men jádigerlerdi kúndelikti kórip júrgendikten, barshasyna qatysty áńgimeler men ápsanalardy jattap alǵan. 

«Áleýmettik jelide taraǵan vıdeodaǵy eki azamat Qytaıdan kelgen eken. Kesene ishindegi taıqazan týraly surady. Tarıhyn aıtyp, túsindirip berdim. Al, vıdeoǵa túsirgen adamnyń kim ekenin bilmeımin. Artymyzdan kele jatqandaryń biri telefonǵa túsirip, jelige júktep jiberipti», — deıdi Shákeń.

Gıd-kúzetshi endigi jerde ıspan tilin úırenýdi josparlap júr.

Foto keıipkerdiń jeke muraǵatynan