Jelide jarylystan keıingi Arystyń vıdeosy jarııalandy

NUR-SULTAN. QazAqparat - Áleýmettik jelilerde jarylystan keıingi Arys qalasynyń vıdeosy tarady, dep habarlaıdy QazAqparat tilshisi.

Jelide taraǵan vıdeony Arys qalasynyń turǵyndarynyń biri kólikpen kele jatyp túsirgen bolýy kerek. Vıdeony túsirip kele jatqan jigit úıler men ǵımarattardyń terezeleriniń bári synyp ketkenin aıtady. Arystyń keıbir turǵyndarynyń jarylys kezinde sapyrylysta tipti kóshege kólikterin, velosıpedterin tastap ketkenin kórýge bolady.

«Qudaı saqtasyn. Myna toıhanany qara. Byt-shyty shyǵypty. Qalada saý tereze joq», - dep kórsetedi vıdeony túsirgen turǵyn.

Eske sala ketsek, Arys qalasyndaǵy áskerı bólimniń qoımasynda keshe tańerteń jarylys bolǵandyǵy týraly habarlaǵan bolatynbyz. Apat saldarynan eki adam mert boldy.

Arystaǵy jarylystan zardap shekkenderge kómek qolyn sozý maqsatynda elimizde «Arys, biz birgemiz» aktsııasy bastaldy. Aktsııa aıasynda Túrkistan oblysy Arys qalasyndaǵy oqıǵadan zardap shekkenderge járdem berý úshin oblys ákimshiliginiń janynan ashylǵan «Túrkistan» korporatıvtik áleýmettik damý qoryna habarlasýyńyzǵa bolady.

«Túrkistan» korporatıvtik áleýmettik damý qory rekvızıtteri

Túrkistan oblysy

Túrkistan qalasy, Kyzylorda tas joly , 34 A ǵımaraty,

Poshta ındeksi 161200

BSN (BIN) 100440016000

«ForteBank» AQ Túrkistan qalasyndaǵy fılıaly

JSK (IIK) KZ7196528F0007014540

BSK (BIK) IRTYKZKA