Jelide kóptiń qurmetine ıe bolǵan TJ leıtenanty 15 adamǵa arqasyn tósep, kólikke mingizgen

ARYS. QazAqparat - Kesheli beri jelide egde adamǵa arqasyn tosyp, tehnıkaǵa otyrǵyzyp jatqan áskerı qyzmetshiniń sýreti kóptiń nazary men qurmetine bólengen bolatyn. Fotosýrettegi áskerı qyzmetshi - Tótenshe jaǵdaılar komıtetiniń leıtenanty Beksultan Ibadýllaev bolyp shyqty, dep habarlaıdy QazAqparat tilshisi.

Áskerı qyzmetshi jeli qoldanýshylaryna Túrkistan oblysy ákiminiń keńesshisi Sáken Qalqamanov Facebook-te tanystyrdy. Jas jigit egde adamdardyń bárine arqasyn tosyp, kólikke otyrýǵa kómektesip júrgen.

«Bizdiń negizgi mindetimiz - adamdardy qutqarý. Bizge habarlama túsken kezde júris qýattylyǵy joǵary tehnıkamen adamdardy qaýipsiz jerge kóshirýge mindetteldik. Ýaqyt óltirmeı adamdardy tez qaýipsiz aımaqqa kóshirý úshin jyldam áreket jasaý kerek boldy. Sondyqtan, arqamdy tosyp, adamdardy tezirek tehnıkaǵa otyrǵyzýǵa tyrystyq», - deıdi Beksultan Ibadýllaev.

Eske sala ketsek, Arystaǵy jarylys saldarynan halyqty evakýatsııalaý kezinde áıeldi arqasyn tósep, kólikke mingizgen áskerı azamattyń jelide tanymal bolǵanyn búgin jazǵan bolatynbyz. «Instagram» áleýmettik jelisinde taraǵan fotoǵa 1 myńnan astam oń kommentarıı jazylyp, 56 myń adam «unatý» basqan bolatyn.