Jelide 20 myń teńgege bankrottyq rásimdeýge kómektesetinder paıda boldy

ASTANA. QazAqparat – Áleýmettik jelide bankrot mártebesin rásimdeýge kómektesemiz deýshilerdiń habarlandyrýy shyqty. QazAqparat tilshisi solardyń birine habarlasyp, qyzmeti týraly surap bilgen edi.

«Sizdiń jeke kýáligińiz, bank aldyndaǵy qaryzyńyz týraly derekter kerek. Biz odan ári qujattardy toltyryp organǵa jiberemiz. Ótinish eki aptadaı qaralyp, jaýaby beriledi. Aıta ketetin jaıt, eger bankrot mártebesin alsańyz, bes jyl kredıt ala almaısyz jáne shetelge shyǵa almaısyz», - deıdi ózin astanalyqpyn dep tanystyrǵan azamatsha.

Sondaı-aq, ol zań aıasynda jumys isteıtinin qalaı tekserýge bolatynyn túsindirdi.

«Qajet deseńiz jolyǵaıyq, bizdiń kompanııa týraly jan-jaqty tanysa alasyz. Zańdy jumys isteımiz, konsaltıngtik qyzmet kórsetemiz. Qyzmet 20 myń teńge turady», - deıdi ol.

Eske salaıyq, ótken jumada ortalyq kommýnıkatsııalar qyzmetinde ótken baspasóz máslıhatynda Qarjy vıtse-mınıstri Erjan Birjanov bankrot mártebesin alýdyń zańdy joldaryn aıtyp bergen edi.

Sonymen qatar mınıstrdiń orynbasary alaıaqtardan saq bolý kerektigin de eskertti.

Eske salaıyq, 3 naýryzda elimizde bankrottyqqa ótinim qabyldaý bastaldy. Atalǵan protsess týraly tolyǵyraq osy silteme arqyly tanysýǵa bolady.

31 naýryzdaǵy jaǵdaı boıynsha elimizde 34 myńnan astam qazaqstandyq ózin bankrot dep jarııalaýǵa ótinish bergen.

Odan bólek, vıtse-mınıstr bankrottyqqa bergen ótinishińiz qabyldanbasa ne isteý kerektigin aıtty.