Jeli qoldanýshylary saıası qýǵyn-súrgin qurbandaryn eske alýda
11:56, 25 Mamyr 2017
ASTANA. QazAqparat - Áleýmettik jeli qoldanýshylary 31 mamyr - saıası qýǵyn-súrgin qurbandaryn eske alý kúnine oraı sýretterdiń jıegin ásemdeıtin avatar-bezendirýdi jappaı qoldanýda. Ony elimizge tanymal bloger Danııar Alan Facebook áleýmettik jelisinde jasap shyǵarǵan, dep habarlaıdy «QazAqparat» HAA.
«Búginde osyndaı ataýly kúndi jastarǵa áleýmettik jelide nasıhattaý úshin avatar-bezendirýdi qoldandym. Ony 16 mamyr kúni Feısbýktegi baǵdarlamanyń kómegimen iske qostym. Dál qazir avatardy qoldanýshylar sany 4500 adamdy qurap tur», - dedi Danııar Alan.
Aıta keteıik, osydan jıyrma jyl buryn Elbasy Nursultan Nazarbaevtyń Jarlyǵymen 31 mamyr HH ǵasyrdyń basynda talaıdy zar qaqsatqan saıası qýǵyn-súrgin qurbandaryn eske alý kúni bolyp bekitildi. Elimizde 100 myńnan astam adam qýǵyn-súrginge ushyrasa, onyń 25 myńnan astamy atý jazasyna kesilgen bolatyn.