Jeldiń kúsheıýi, jańbyr, qatqaq - 8 mamyrda kún raıy qalaı bolady

<p>ASTANA. KAZINFORM - Qazgıdromet Qazaqstan aımaqtarynda 2024 jylǵy 8 mamyrda bolatyn qaýipti meteorologııalyq qubylystarǵa boljaý konsýltatsııasyn jarııalady.&nbsp;</p>

Ońtústik tsıklony jáne onymen baılanysqan atmosferalyq frontaldy bólikter QR terrıtorııasynyń basym bóligine naızaǵaıly jańbyr, batysqa qatty jańbyr, burshaq alyp keledi. Tek elimizdiń soltústiginde jaýyn-shashynsyz aýa raıy kútiledi.

Respýblıka boıynsha jeldiń kúsheıýi, batysy men ońtústiginde daýyl, ońtústik-batysy, soltústik-batysy men ortalyǵynda túngi jáne tańerteńgi saǵattarda tuman kútiledi.

Túnde Aqmola, Shyǵys Qazaqstan oblystarynyń shyǵysynda, Soltústik Qazaqstan oblysynyń soltústiginde topyraq betinde 1-2 gradýs úsik kútiledi.

Qaraǵandy oblysynyń ortalyǵy men ońtústiginde, Ulytaý oblysynyń ortalyǵynda, Qyzylorda, Túrkistan oblystarynyń batysynda, Abaı oblysynyń ońtústiginde joǵary órt qaýipi saqtalady.