Jelide Úlken aýylynda AES qurylysy bastalǵany týraly jalǵan aqparat tarap jatyr

<p>ALMATY. KAZINFORM &ndash; Eleýmettik jeliler men messendjerlerde Almaty oblysy Ýlken aýylynda atom elektr stantsııasynyń (AES) kurylysy bastalǵany týraly jalǵan aqparat tarap jatyr. Bul týraly oblystyq ákimdikten málim etti.</p>

Beınerolıkte, boljam boıynsha, «Google Maps» onlaın servısy arqyly qurylys obektileri kórsetiledi.

@daulet.050l

 

♬ orıgınalnyı zvýk - Daulet

«Onyń Atom elektr stansasy ekeni shyndyqqa janaspaıdy. Beınejazbada kórsetilgen nysan 2011 jyly Balqash jylý elektr ortalyǵy (JES) qurylysy jobasyn júzege asyrý kezinde salynǵan ınfraqurylym. Joba kómirmen jumys isteıtin jylý elektr stantsııasynyń qurylysyn qamtydy. Joba aıasynda tıisti ınfraqurylymnyń, sonyń ishinde jumysshylarǵa arnalǵan turǵyn kenttiń qurylysy bastaldy», – dep habarlady ákimdikten. 

Foto: Jambyl aýdany ákimdigi

2014 jyly «Balqash jylý elektr ortalyǵy» jobasyn júzege asyrý toqtatyldy.

«Onlaın-servıstiń kartografııalyq derekterine túzetýler engizý jáne jalǵan aqparattyń odan ári taralýyna jol bermeý úshin Qazaqstan Respýblıkasy Tsıfrlyq damý, ınnovatsııalar jáne aeroǵarysh ónerkásibi mınıstrligine (TsDIAÓM) ótinim jiberildi», – dep atap ótti vedomstvodan.

Aıta keteıik, AES-tyń salyný ne salynbaý taǵdyry 6 qazanda ótetin referendýmnan keıin anyq bolmaq. 

Osyǵan deıin Úlken aýylynyń ákimi jergilikti turǵyndar AES qurylysyn qoldaıtyny týraly aıtqan bolatyn.