Jelide Qasym-Jomart Toqaevtyń Qytaıǵa tájirıbe almasýǵa barǵan kezinen sýret jarııalandy

<p>ASTANA. KAZINFORM &ndash; Qytaı. 80-shi jyldar jáne odan basqa da... atty Telegram arnasynda post shyqty. Onda Qasym-Jomart Toqaevtyń keńestik qytaıtanýshylarmen birge tájirıbe almasý úshin alǵash ret aspanasty eline barǵan kezderinen sýret jarııalanǵan.</p>

Belgili qytaıtanýshy ǵalym Ivan Zýenko sol 1983 jyly Qytaıda taǵylymdamadan ótken tanymal adamdar týraly esteligin jazǵan.

- Keńestik qytaıtanýshylardyń 1983 jyly Qytaıǵa alǵash ret tájirıbe almasýǵa barǵan sapary taqyryby esten ketpeıdi. Men 1983/1984 jyldardaǵy sol alǵashqy toptyń (10 adam jáne barlyǵy Máskeýden, barlyǵy tek Beıjińde oqydy) eki ókiliniń sýretin taýyp aldym, - deıdi avtor

Onyń jazýynsha, qytaıtanýshylardyń keıingi tolqynynda adam aıtarlyqtaı kóbirek boldy jáne olar joǵary bilimdi akademııalyq ortada óte tanymal edi. Soǵan qarap, 1983/1984 jyldardaǵy toptan «tarıhı iz» qalmaǵan sııaqty bolýy yqtımal. Alaıda, 1983/1984 jyldardaǵy tolqynnyń ekeýi qazir óte tanymal adamdar.

Birinshiden, Qasymjomart Toqaev (ol kezde onyń esimi osylaı jalzylýshy edi) – fotoda ol oń jaqta tur. Máskeý memlekettik halyqaralyq qatynastar ınstıtýtynyń túlegi, sol kezde 30 jastaǵy KSRO Syrtqy ister mınıstrliginiń qyzmetshisi edi. Qazir Qazaqstan Prezıdenti.

Ekinshiden, Igor Morgýlov Máskeý memlekettik ýnıversıteti Azııa jáne Afrıka elderi elderi ınstıýtynyń 22 jastaǵy túlegi, qazir Reseıdiń Qytaıdaǵy elshisi.

Toqaev oń jaqta tur, ekeýiniń sol kezdegi birge túsken sýretteri tabylmady. Alaıda Toqaevtyń janynda turǵan adam da tanymal qytaıtanýshy Andreı Tsarenko. Sol kezde ol Máskeý memlekettik halyqaralyq qatynastar ınstıtýtynyń stýdenti edi, keıinirek KSRO elshiliginiń qyzmetshisi.

- Sýret Tszıansý provıntsııasynyń Ýsı qalasyna sapar barysynda túsirildi, Q.K. Toqaevtyń «Belasý» kitabynan alyndy, - dep jazady avtor.