Jelide Qasym-Jomart Toqaevtyń atynan feık kommentarıı tarap jatyr

<p>Áleýmettik jeliler men messendjerlerde Prezıdent Qasym-Jomart Toqaevtyń tsıtatasy keltirilgen jalǵan aqparat tarap jatyr. Onda Memleket basshysy burynǵy mınıstr Qýandyq Bıshimbaevqa qatysty oqıǵaǵa pikir bildirgeni jáne prezıdent onyń adam óltirgenine senbeıtini jazylǵan. Bul aqparat &ndash; feık.&nbsp;<a href="https://kaz.inform.kz/" target="_blank" rel="noopener">Kazinform</a>&nbsp;bul týraly&nbsp;<a href="https://stopfake.kz/ru/archives/21079" target="_blank" rel="noopener">Stopfake.kz</a>-ke silteme jasap habarlaıdy.</p>

Foto: stopfake.kz skrıni

Eske salsaq, Aqordanyń áleýmettik jelilerdegi resmı paraqshalarynda QR Prezıdenti 15 qarashada quqyq qorǵaý organdarynyń basshylarymen keńes ótkizip, elorda meıramhanalarynyń birinde bolǵan kisi ólimine qatysty pikir bildirgeni týraly baspasóz relızi jarııalandy.

Onda Memleket basshysy áıelder men balalarǵa zorlyq-zombylyq kórsetý faktileriniń batyl túrde jolyn kesý kerektigin aıtyp, Іshki ister mınıstrliginiń basshylyǵyna bul isti erekshe baqylaýǵa alýdy tapsyrdy.

«Zań bárine birdeı. Azamattarymyz zańdylyqty nyǵaıtý jolynda judyryqtaı jumylsa ǵana qoǵamda ádildik ornaıdy. Ádiletti Qazaqstan – Zań men Tártip ústemdik quratyn el», – dedi Qasym-Jomart Toqaev.

«BAQ jańalyqtarynda da Prezıdenttiń osy tsıtatalary keltirilgen. Al jelide tarap jatqan aqparatqa uqsas eshteńe aıtpaǵan. Bul kommentarıı – jalǵan», - dep qorytyndylaıdy Stopfake.kz.

Aıta keteıik, feıktiń bastapqy derekkózi – Qazinform24 satıralyq akkaýnty. Ol Instagram-da oıdan shyǵarylǵan jańalyqtardy jarııalap turady. Bul týraly paraqshanyń profılinde de jazylǵan.

Olaı bolsa, taralǵan aqparatqa senbegen jón.

Buǵan deıin habarlaǵanymyzdaı, 9 qarashada Astanadaǵy «Baý» meıramhanasynda Ulttyq ekonomıka mınıstrliginiń eks-basshysy Qýandyq Bıshimbaev óziniń jubaıyn soqqyǵa jyǵyp, ol jedel járdem kelgenshe jan tapsyrdy.

Keıin Іshki ister mınıstrligi Qýandyq Bıshimbaevtyń ustalǵanyn rastady.

Elorda Polıtsııa departamenti QR Qylmystyq kodeksiniń 99-baby 1-bóligi boıynsha tergeý amaldaryn bastady.

11 qarashada Astana qalasynyń mamandandyrylǵan aýdanaralyq tergeý soty kúdikti Qýandyq Bıshimbaevti 2 aıǵa qamaýǵa alý boıynsha bultartpaý sharasyn sanktsııalady.

12 qarashada kisi ólimi bolǵan «Gastro-Ortalyq» meıramhanasynyń dırektory ustaldy.

15 qarasha ótken keńeste Prezıdent Q.Toqaev ІІM-ge Bıshimbaevtiń isin erekshe baqylaýǵa alýdy tapsyrdy.