Jelbire, meniń jalaýym: Shymkenttegi kópqabatty úıler kók týmen kómkerildi

ShYMKENT. QazAqparat – Memlekettik rámizder kúnine oraı Shymkenttegi kópqabatty turǵyn úılerdiń qasbetine Memlekettik Tý ilindi, dep habarlaıdy QazAqparat tilshisi.

Eriktilerdiń uıytqy bolýymen ótken sharaǵa «Nursát» shaǵynaýdanyndaǵy turǵyndar da óz úlesin qosyp, qoldaý bildirdi. Atalǵan shara arqyly qala turǵyndary rámizderge degen sheksiz qurmetin kórsetti.

Sondaı-aq, qalada uıymdastyrylǵan «Jelbire, meniń jalaýym!» atty patrıottyq aktsııa aıasynda Abaı aýdanyndaǵy «Abaı» saıabaǵynda, ál-Farabı aýdanyndaǵy «Arbat» demalys aımaǵynda, «Dendrosaıabaq» pen Qarataý aýdanyna qarasty Saıram turǵyn alabynda, Eńbekshi aýdanyndaǵy «Sever» saýda ortalyǵynda túrli is-sharalar ótti.

Al, «Rýhanı jańǵyrý» bólimi Táýelsizdiktiń 30 jyldyǵy men Memlekettik rámizder kúnine oraı áleýmettik jelilerde «Jelbire, kók baıraq!», «Ánuranym-aıbynym!» chellendjin ótkizýde.

Onda árbir qatysýshy kók týdyń sýretin salyp, ánurandy oryndaýda. Qatysýshylar estafetany #kokbairaq heshtegimen ary qaraı joldap, jalǵastyrýy tıis. Jyl sońynda estafeta qorytyndylanady.