Jel, jańbyr: TJD elorda turǵyndaryn qaýipsizdik sharalaryn saqtaýǵa shaqyrdy
14:01, 29 Naýryz 2024
<p>ASTANA. KAZINFORM – Aýa raıynyń qolaısyzdyǵyna baılanysty Astana qalasy Tótenshe jaǵdaılar departamenti qala turǵyndary men qonaqtaryna kóshede júrgende óte muqııat jáne saq bolýdy eskertti. </p>
«Qazgıdromet» RMK derekteri boıynsha, búgin, 29 naýryzda Astanada jaýyn-shashyn (negizinen jańbyr) bolady dep kútilýde. Ońtústik-batystan soǵatyn jeldiń ekpini 15-20 m/s quraıdy.
«Qutqarýshylar turǵyndardan muqııat jáne saq bolýdy suraıdy. Úılerdiń qabyrǵalarynda, aıaldamalarda, bılbordtardyń janynda, aǵashtardyń astynda jelden jasyrynbańyz. Synǵan symdar men terbelmeli belgilerge jaqyndamańyz. Avtokólikti eski jáne jalǵyz turǵan aǵashtardyń janyna qoımańyz. Tótenshe jaǵdaılar kezinde Astana bıligi «109» qyzmetine habarlasyńyz», - dedi Astana qalasy Tótenshe jaǵdaılar departamenti.
Astana ákimdigi resmı saıtynyń habarlaýynsha, qazirgi ýaqytta qalanyń barlyq kommýnaldyq qyzmeti kúsheıtilgen rejımde jumys istep jatyr.