Jeksenbide kún kúrkirep, nóser jaýyn jaýady

<p>ASTANA. KAZINFORM — Qazgıdromet sınoptıkteri 14 shilde, jeksenbige arnalǵan aýa raıy boljamyn jarııalady. </p>

Ońtústik tsıklon jáne onymen birge keletin atmosferalyq fronttar jańbyr shaqyrady.

Soltústik-batysta, ońtústik-shyǵysta, ońtústikte, ortalyqta qatty jańbyr men burshaq jaýady, naızaǵaı jarqyldap, daýyl turady. 

«Eldiń shyǵysynda ǵana antıtsıklon áserinen jaýyn-shashynsyz aýa raıy saqtalady. Respýblıka boıynsha jel kúsheıedi, soltústik-batysta túngi jáne tańerteńgi ýaqytta tuman túsedi. Kúndiz Almaty jáne Jetisý oblysynda, Abaı oblysynyń ońtústiginde qatty ystyq bar» deıdi mamandar.

Mańǵystaý, Túrkistan, Jambyl, Ulytaý, Qostanaı, Qyzylorda, Atyraý, Batys Qazaqstan, Aqtóbe, Abaı oblystarynda órt qaýpi joǵary bolady.