Jekpe-jekten keıin komaǵa túsken Aıdos Erbosynulynyń jaǵdaıy belgili boldy

ASTANA. QazAqparat - TGB Promotions promoýterlik kompanııasy men Premier Boxing Champions telefranshızasy qazaqstandyq boksshy Aıdos Erbosynulynyń jaǵdaıy týraly túsinik berdi, dep habarlaıdy QazAqparat Sports.kz saıtyna silteme jasap.

Sportshy ekinshi orta salmaqtaǵy WBA Regular álem chempıony tıtýly úshin aıqasta kýbalyq Davıd Morrelden nokaýtpen jeńilgennen keıin jasandy komada jatyr

Jekpe-jek 12-shi raýndta merziminen buryn aıaqtaldy, tóreshi Tonı Ýıks jekpe-jekti toqtatyp, Morreldiń jeńisin nokaýtpen sanady.

Buǵan deıin Aıdos nokdaýnǵa túsken bolatyn.

«TGB Promotions jáne PBC ókilderi Aıdostyń komandasymen birge Mınneapolıste. Biz jaǵdaıdy jiti baqylap otyrmyz. Boksshynyń jeke ómirine jáne otbasyna qurmetpen qaraımyz, sondyqtan qosymsha aqparatty bólise almaımyz», - delingen Fight Freaks Unite málimdemesinde.

Eske salaıyq, keshe qazaqstandyq boksshy Aıdos Ermosynuly (16-0, 11 KO) men kýbalyq Davıd Morrel (7-0, 6 KO) arasynda WBA nusqasy boıynsha sýper orta salmaqtaǵy «turaqty» álem chempıony ataǵy úshin jekpe-jek ótken bolatyn.

Jeńilip kórmegen qazaqstandyq boksshy Aıdos Ermosynuly jas kýbalyq Davıd Morrelge qarsy tıtýldyq jekpe-jekte jeńilgenin moıyndaýǵa májbúr boldy.

Aıdos Erbosynuly kásibı rıngte birinshi ret nokaýtpen jeńildi.

Foto: danrafael.substack.com

Foto: sports.kz