Jekpe-jek aldynda aýrýhanaǵa túsken Álimhanuly qazirgi jaǵdaıy týraly jazba jarııalady

<p>ASTANA. KAZINFORM &ndash; WBO jáne IBF tujyrymdary boıynsha orta salmaqtaǵy álem chempıony Jánibek Álimhanuly qazirgi jaǵdaıy týraly áleýmettik jelidegi paraqshasynda jazba jarııalady.&nbsp;</p>

– Ár qıyndyq artynda jeńildik bar. Salmaq qýý barysyndaǵy synaqty da bastan ótkizip jatyrmyz, aǵaıyn. Ýaıymdap jatqan janashyr jannyń bárine kóp raqmet. Allaǵa shúkir, aýrýhanadan shyqtyq. Densaýlyq birinshi orynda. Biz jaýyngermiz ǵoı. Mundaı synaqtar bizdi syndyra almaıdy, shyńdaıdy. Buıyrtsa áli talaı álemge qazaq stılin kórsetimiz. Qoldaýlaryńyzǵa raqmet, - dep jazdy J. Álimhanuly. 

Buǵan deıin boksshynyń menedjeri Berik Sultan boksshynyń qazirgi jaǵdaıy týraly jazba jarııalaǵan edi. 

Eske sala keteıik, Jánibek Álimhanuly men Andreı Mıhaılovıchtiń jekpe-jegi Las-Vegaste (AQSh) 13 shilde kúni túnde bolady dep josparlanǵan edi. Qazaqstandyq boksshynyń salmaq qýý barysynda esinen tanyp, aýrýhanaǵa túsip qalýyna baılanysty jekpe-jek ótpeıtini habarlandy.